युक्रेनबाट १८३ भारतीय विद्यार्थीको उद्धार, २ हजार बढी आइतबार फर्किँदै
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
नयाँदिल्ली — युद्धग्रस्त युक्रेनबाट आइतबार १८३ जना भारतीय विद्यार्थी फर्किएका छन् । संघीय मन्त्री भुपेन्द्र यादवका अनुसार उनीहरूलाई युद्धग्रस्त क्षेत्रबाट उद्धार गरी आइतबार नयाँदिल्ली ल्याइएको हो ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![युक्रेनबाट १८३ भारतीय विद्यार्थीको उद्धार, २ हजार बढी आइतबार फर्किँदै](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/ukraine-2522022031912-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
साथै अरु २ हजार २ सय जनालाई युक्रेनबाट भारत ल्याउने प्रक्रिया सुरु भएको उनले बताए । ती सबैलाई आइतबार नै ल्याइने बताइएको छ । साथै भारत सरकारले द्वन्द्वग्रस्त क्षेत्रबाट आफ्ना नागरिकलाई फिर्ता ल्याउन कुनै कसर बाँकी नराखेको मन्त्री यादवले बताए ।
युक्रेनको किभसहित विभिन्न क्षेत्रमा ठूलो संख्यामा भारतीय नागरिकहरू रहेका थिए । उनीहरूले युक्रेनमा रुसी आक्रमण सुरु भएसँगै आफ्नो उद्धारका लागि अपिल गर्दै आएका छन्।
किभस्थित भारतीय दूतावासले भने शनिबार युक्रेनको पिसोचिन सहरबाट सबै भारतीय नागरिकको उद्धार गरिएको दाबी गरेको छ । भारत सरकारका अनुसार युक्रेनमा रुसी आक्रमण सुरु भएयता त्यहाँबाट १३ हजार ३ सयजति भारतीय नागरिक स्वदेश फिर्ता भइसकेका छन् । साथै पछिल्लो २४ घण्टाको अवधिमा २ हजार ९ सय भारतीय नागरिकसहित १५ वटा उडान अवतरण भएका छन् ।
रुसी सीमा नजिकै पर्ने युक्रेनको सुमी सहरमा सयौं भारतीय विद्यार्थीहरू केही दिनदेखि नै थुनिएको खबरसँगै भारत सरकारले उद्धार कार्य तीव्र पारेको जनाएको छ ।
साथै युक्रेनको सुमी सहर र खार्किभ सहरमा अहिले पनि सयौं भारतीय नागरिक थुनिएर रहेको बताइन्छ । युक्रेनमाथि एक साता लामो युद्ध रोक्दै युद्धविराम घोषणा गरेको रुसले आफ्नो घोषणा पालना नगरेको भन्दै आलोचित बनेको छ ।
![](https://assets-cdn.ekantipur.com/uploads/source/ads/900-x-100-0172024023126.gif)