मेक्सिकोमा बस दुर्घटना हुँदा ८ जनाको मृत्यु, १५ घाइते
मेक्सिको सिटी — मेक्सिकोको क्विन्टाना राज्यमा आइतबार बस पल्टिँदा कम्तीमा आठ जनाको मृत्यु भएको छ । अरु १५ जना घाइते भएका छन् ।
स्थानीय अधिकारीहरूका अनुसार क्विन्टाना अभियोजकको कार्यालयले जनाएअनुसार दुर्घटना एल टिन्टल सहर नजिकैको लाजारो कार्डेनास नगरपालिकाको कन्टुनिलकिन-कानकुन राजमार्गमा भएको थियो ।
मृतकमध्ये पाँच पुरुष र तीन महिला थिए। स्थानीय सञ्चारमाध्यमका अनुसार अटोबस डे ओरिएन्ट कम्पनीको उक्त बस निर्माण सामग्री बोकेको ट्रकसँग ठोक्किएको थियो।
मृतकमध्ये अधिकांश विदेशी पर्यटक भएको स्थानीय सञ्चारमाध्यमले जनाएका छन् ।
४५ यात्रु बोकेको बस ट्रकसँग ठोक्किन पुग्दा दुर्घटना भएको बताइएको छ । दुर्घटनामा घाइते भएकाहरूको नजिकैका अस्पतालमा उपचार गरिएको बताइएको छ ।
प्रकाशित : माघ २४, २०७८ १९:३८प्रतिक्रिया