भारतीय अभिनेता सौमित्र चटर्जीको निधन
कोलकाता — भारतीय अभिनेता सौमित्र चटर्जीको ८५ वर्षको उमेरमा निधन भएको छ । विख्यात निर्देशक सत्यरजीत रेको फिल्मबाट अभिनय थालेका चटर्जीको कोलकातास्थित एक अस्पतालमा निधन भएको हिन्दुस्तान टाइम्सले उल्लेख गरेको छ । कोरोना संक्रमण भएपछि उनलाई अस्पताल भर्ना गरिएको थियो ।
भारतीय सिनेमामा प्रदान गरिने सर्वोच्च पुरस्कार दादासाहेब फाल्के अवार्ड प्राप्त उनले फिल्म क्षेत्रमा ६१ वर्ष बिताए । छवि विश्वास, उत्तम कुमार, उत्पल दत्तलगायत बंगाली फिल्मका नामुद कलाकारसँग उनले काम गरेका थिए ।
सत्यजीत रेको फिल्म 'अपूर संसार'बाट अभिनय सुरु गरेका चटर्जीले ३ सयभन्दा बढी फिल्ममा अभिनय गरेका । भारतीय प्रधानमन्त्री नरेन्द्र मोदीले चटर्जीको निधनले सिनेमा जगतलाई ठूलो हानी भएको भन्दै ट्विट गरेका छन् ।
प्रकाशित : कार्तिक ३०, २०७७ १७:४१प्रतिक्रिया
