रहेनन् पूर्व क्रिकेटर डिन जोन्स

५९ वर्षीय जोन्स बिहीबार बिहान मात्रै ‘मर्निङ वाक’का लागि निस्केका थिए र लञ्च समयमा होटलमै उनलाई ह्रदयघात भएको थियो ।

भारतीय प्रशारण संस्था स्टार इन्डियाले भनेको छ,‘हामीलाई डिन जोन्सको निधनको समाचार सुनाउनु पर्दा निकै दु:ख लागेको छ । उनको ह्रदयघातका कारण मृत्यु भएको हो ।’

सन् १९८४ देखि १९९४ सम्म अस्ट्रेलियाली टिमबाट खेलेका जोन्सले ५२ वटा टेस्ट म्याच खेलेका छन् भने १६४ वान डे म्याच खेलेका थिए । उनले टेस्ट म्याचमा ११ शतक र १४ अर्धशतकसहित ३ हजार ६ सय ३६ रन बनाएका थिए । त्यस्तै वान डे म्याचमा ७ अर्धशतक र ४६ अर्धशतकसहित ६ हजार ६८ रन बनाएका थिए ।