टर्कीमा भूकम्प, ९ जनाको मृत्यु

टर्कीका आन्तरिक मामिलामन्त्री सुलेमन सोयलुले मृतकमध्ये तीन जना बालबालिका रहेका जानकारी दिएका छन् । घाइतेहरूको उपचार भइरहेको मन्त्री सोयलुले बताएका छन् ।

छिमेकी मुलुक इरानसँग सिमाना जोडिएको टर्कीको पूर्वीक्षेत्रमा पर्ने सराएलाई केन्द्रविन्दु बनाएर ५.७ म्याग्नीच्युडको भूकम्प गएको हो । अमेरिकी भौगर्भिक सर्भेले आइतबार बिहान भूकम्प गएको जनाएको छ । उक्त भूकम्प जमिनको सतहबाट १० किलोमिटर गहिराइमा गएको थियो ।

भूकम्पले १ हजार ६६ भवन पूर्ण रूपमा क्षति भएको बताइएको छ । भूकम्पले भत्काएका भवनभित्र मानिस पुरिएका हुनसक्ने आशंका अधिकारीहरूले गरेका छन् । पुरिएकाको खोजीकार्य भइरहेको बताइएको छ ।