राजपरिवारको भूमिकाबाट अलग हुने प्रिन्स ह्यारी र मेगनको घोषणा

उनीहरुले बेलायत र उत्तर अमेरिकामा सामान्य जीवनयापन गर्ने बताएका छन् । उनीहरुले अब आर्थिक आत्मनिर्भर हुने बाटोमा लाग्ने समेत बताएका छन् । ‘डुक र डचिस अफ ससिक्सबाट एउटा व्यक्तिगत सन्देश छ । हामी दुवैजना आर्थिक रुपमा स्वतन्त्र बन्न चाहन्छौं’, उनीहरुको विज्ञप्तिमा छ ।

राजकुमार दम्पतीले भूमिका त्याग्ने घोषणाबारे आफूहरुसँग सल्लाह नगरेको भन्दै राजपरिवार 'निराश' बनेको समेत बीबीसीले समाचार लेखेको छ ।३५ वर्षीय हृयारी राजकुमारी डायना र प्रिन्स चार्ल्सका कान्छा सन्तान हुन् ।

सञ्चारमाध्यमले आफूहरूबारे अनावश्यक चासो लिएको भन्दै गत अक्टोबरमा ह्यारी र मेगनले सङ्घर्ष गर्नुपरेको बताएका थिए । बुधबार अप्रत्याशित रूपमा निकालिएको विज्ञप्तिमा धेरै महिना सोचविचार र छलफल गरी शाही भूमिका त्याग्ने निर्णयमा पुगेको उल्लेख गर्छन् । उनीहरूले विज्ञप्ति सामाजिक सञ्जाल पनि राखेका छन् ।