प्याब्सन र कारखानाको निःशुल्क ई–लर्निङ

बालबालिका र शिक्षकशिक्षिका लकडाउनमा परेका कारण यो समयमा ई–लर्निङका सामग्री संकलन, उत्पादन र निःशुल्क प्रसारण गर्ने सहमति भएको हो । कोभिड–१९ संक्रमणको अवस्था सामान्य नभइन्जेल ई–लर्निङ प्रसारण हुने दुवै संस्थाद्वारा जारी संयुक्त विज्ञप्तिमा उल्लेख छ ।


ई–लर्निङमा विद्यार्थी, शिक्षक, अभिभावक तथा विद्यालय सञ्चालकले उपयोगी शैक्षिक सामग्री कारखानाको वेबसाइटबाट पाउन सक्छन् ।

वेबसाइटमा विद्यार्थी, शिक्षक, अभिभावक र विद्यालय सञ्चालक गरी तीन खण्ड छन्, जहाँ विद्यार्थीका लागि किप लर्निङ, विद्यालय सञ्चालक, अभिभावक तथा शिक्षकका लागि स्कुल सपोर्ट रिसोर्स र सबैका लागि वेल विङः केयरिङ फर द होल हुमन विङ गरी तीन खण्ड रहेको जनाइएको छ ।