एनसेलको रिचार्जमा अब १२० प्रतिशत बोनस ब्यालेन्स
काठमाडौँ — एनसेलले बिहीबारदेखि रिचार्ज गर्दा १२० प्रतिशत बोनस व्यालेन्स दिन थालेको छ ।
कोरोना भाइरस रोग (कोभिड–१९) को संक्रमण रोक्न गरिएको लकडाउनको अवस्थामा ग्राहकलाई सेवा पहुँचनमा कठीनाई नहोस् भनेर यस्तो निर्णइ गरिएको एनसेलले जारी गरेको विज्ञप्तीमा जनाइएको छ ।
बोनस रकमबाट एनसेल नेटवर्क भित्रको नम्बरमा कल गर्न, डाटा चलाउन र एसएमएस गर्नको लागि उपयोग गर्न सक्नेछन् । सबै माध्यमबाट गरिने रिचार्जमा बोनस दिइने एनसेलले जनाएको छ ।
५०, १००, २००, ३००, ५०० र १००० रुपैयाँको रिचार्ज गर्दा १२० प्रतिशत बोनस पाइने एनसेलले जनाएको छ ।
मंगलबार नेपाल दूरसञ्चार प्राधिकरणले एनसेलसहितका सेवा प्रदायकलाई रिचार्जमा सतप्रतिशत बोनस व्यालेन्स दिन निर्देशन दिएको थियो ।
बुधबार एनसेलले रिचार्जमा ५० प्रतिशत मात्रै बोनस निर्णय गरेको भए पनि बिहीबारदेखि यसलाई बढाएर १२० प्रतिशत बनाएको हो ।
