भलिबलका लागि आवासीय कभर्ड हल बनाउनेछौं : मन्त्री श्रेष्ठ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — युवा तथा खेलकुदमन्त्री विराजभक्त श्रेष्ठले भलिबलका लागि आवासीय कबर्ड हल बनाउने बताएका छन् । काठमाडौंमा शनिबारबाट सुरु भएको आठौं एनभिए महिला तथा पुरुष भलिबल प्रतियोगिता उद्घाटन गर्दै उनले यस्तो बताएका हुन् ।
![](https://assets-cdn.ekantipur.com/uploads/source/ads/900x100-0762024075620.gif)
![भलिबलका लागि आवासीय कभर्ड हल बनाउनेछौं : मन्त्री श्रेष्ठ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/biraj-bhakta-shrestha-1642024042208-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
उनले आगामी आर्थिक वर्षमा भलिबलको लागि एउटा आवासीय कबर्ड हल बनाउने कुरामा छलफल भइरहेको र बन्नेमा आशावादी रहेको बताए । मन्त्री श्रेष्ठले भलिबलको लागि राम्रो कभर्ड हल बनाउने चुनौती अहिले रहेको बताए । नेपालमा भलिबल खेलको निकै ठूलो सम्भावना रहेको उनको भनाइ छ । उनले भने, ‘ भलिबलको एकदम सम्भावना छ । अझ हाम्रो पहाडतिर, गाउँतिर, मधेसतिर धेरै खेल्ने खेल हो । राष्ट्रिय खेल भए पनि यसको राम्रो खेल्ने डेडिकेटेड हिसाबले एउटा हल बन्ने हामी सबैको एउटा साझा चुनौती भएको छ ।’
मन्त्री श्रेष्ठले खेल क्षेत्रको विकासका लागि सबै मिलेर लाग्नुपर्ने बताए ।
प्रकाशित : जेष्ठ १९, २०८१ १६:४७