२०.१२°C काठमाडौं
काठमाडौँ — अन्तर्राष्ट्रिय मैत्रीपूर्ण खेलमा नेपाल म्यानमारसँग १–० गोल अन्तरले पराजित भएको छ । याङ्गुनमा सोमबार भएको खेलमा नेपालले खेलको अन्त्यतिर एक गोल खाएको थियो ।
खेल गोलरहित बराबरीतर्फ अग्रसर भइरहेका बेला विन नाइन टुनले ८६ औं मिनेटमा निर्णायक गोल गरेका हुन् ।
यस गोलको क्रममा नेपालले अफ साइडको माग गरेपछि खेल केही क्षण तनावग्रस्त बनेको थियो ।
नेपालले याङ्गुनमै भएको पहिलो खेलमा भने म्यानमारलाई गोलरहित बराबरीमा रोकेको थियो । नेपाल विश्वकप तथा एसिया कप छनोटको तयारीका क्रममा म्यानमार गएको हो । नेपालले प्रारम्भिक छनोटमा लाओसको सामना गर्दैछ ।
प्रतिक्रिया
