संखुवासभामा प्रदेशस्तरीय भलिबल प्रतियोगिता
संखुवासभा — संखुवासभा सदरमुकाम खाँदबारीमा बुधबारबाट प्रदेश १ स्तरीय तेस्रो रेजिना रनिङ शिल्ड पुरुष भलिबल प्रतियोगिता सुरु भएको छ । प्रतियोगितामा प्रदेश १ का १३ जिल्लाका टिम सहभागी भएका छन् ।
सुनसरी, झापा, भोजपुर र संखुवासभा दोस्रो चरणमा प्रवेश गरेको आयोजक सूर्य आवासीय माध्यमिक विद्यालयले जनाएको छ । विजयीले २ सय १० तोला चाँदीको शिल्ड, १ लाख ११ हजार नगद र ३ तोलाको चाँदीको पदक पाउने छन् । उपविजेताले ५५ हजार नगद र २ तोलाको चाँदीको पदक पाउने छ ।
प्रतियोगिता माघ २१ सम्म संचालन हुने आयोजकले जनाएको छ ।
प्रकाशित : माघ १८, २०७९ १७:५६प्रतिक्रिया