कालीकोट एमालेको अध्यक्षमा मल्ल विजयी
कालीकोट — नेकपा एमाले जिल्ला कमिटीको अध्यक्षमा तुलाराम मल्ल विजयी भएका छन् । चैत्र २१ गतेदेखि सुरु भएको जिल्ला अधिवेशनमा सहमति नभएपछि चैत २४ गते चुनाव भएको हो ।
चुनावमा मल्लले दयाराम सिम्खडालाई ३२ मतले पराजित गरेका हुन् । कूल ४ सय २८ प्रतिनिधि भएको अधिवेशनमा ४ सय २४ मत खस्दा मल्लले २ सय १८ मत ल्याए भने सिम्खडाले १ सय ८६ मत पाए । त्यस्तै उपाध्यक्षमा मल्ल टिमकै टेकबहादुर बुढाले २ सय १०, सचिवमा पुष्पराज आचार्यले २ सय १२ मत ल्याएर विजयी भएका छन् ।
उपसचिवमा पुरुषतर्फ पवित्रकुमार शाही र महिलातर्फ ताराकुमारी शाही विजय भए । निर्वाचनको परिणाम आइसकेपछि प्रतिक्रिया दिँदै मल्लले सबैको भावनालाई समेटेर अघि बढ्ने बताए । चुनावबाट धेरै सिकाइ भएकाले संगठन निर्माणमा थप सक्रिय हुने मल्लका प्रतिस्पर्धी सिम्खडाले बताए ।