मुख्यमन्त्री शर्माले बुझाए प्रदेश प्रमुखलाई राजीनामा पत्र
सुर्खेत — कर्णालीका प्रदेश प्रमुख तिलक परियारलाई मुख्यमन्त्री राजकुमार शर्माले राजीनामा पत्र बुझाएका छन् ।
बुधबार प्रदेशसभा बैठकमा राजीनामा घोषणा गरेका मुख्यमन्त्री शर्माले प्रदेश प्रमुख परियारलाई राजीनामा पत्र बुझाएका हुन् । उनको राजीनामा स्वीकृत गरी नयाँ मुख्यमन्त्रीका लागि प्रस्ताव आह्वान गर्ने प्रदेश प्रमुखको कार्यालयले जनाएको छ ।
आजै एमाले संसदीय दलका नेता यामलाल कँडेलले मुख्यमन्त्रीको प्रस्ताव लिएर प्रदेश प्रमुखको जाने एमाले नेताहरु बताउँछन् ।
सत्ता साझेदार दल माओवादी र एमालेबीच शक्ति बाँडफाँडको छलफल सकिएलगत्तै कँडेल मुख्यमन्त्री प्रस्ताव लिएर प्रदेश प्रमुखकहाँ जाने तयारीमा छन् ।
प्रकाशित : चैत्र २१, २०८० १८:३०प्रतिक्रिया