३०.१२°C काठमाडौं
रूपन्देही — लुम्बिनी प्रदेशसभाको दोस्रो अधिवेशनको २० औँ बैठक मंगलबार दिउँसो १ बजे बस्दै छ । बैठकमा स्वास्थ्य संस्था नवीकरण, सञ्चालन तथा व्यवस्थापन गर्ने सम्बन्धमा संशोधन गर्न बनेको विधेयकमाथि छलफल गर्ने कार्यसूची छ ।
सोमबार बस्ने भनिएको बैठक काठमाडौंमा भएको सभामुख, उपसभामुखहरूको सम्मेलन लम्बिएपछि सूचना प्रकाशित गरी स्थगित गरिएको थियो ।
यसअघिको बैठकमा निजामती कर्मचारीसम्बन्धी विधेयक र स्वास्थ्य संस्था सञ्चालन, नवीकरण तथा व्यवस्थापन गर्न बनेको संशोधन विधेयक पेस भएका थिए ।
निजामती कर्मचारीसम्बन्धी विधेयक विषयगत समितिमा छलफल हुने भए पनि स्वास्थ्यसम्बन्धी विधेयक मंगलबारको बैठकमा छलफल गर्ने तयारी छ ।
निजामती विधेयकमा उल्लेख भएका केही बुँदा संशोधन गर्न माग गर्दै स्थानीय तहका कर्मचारीले आन्दोलन घोषणा गरेका छन् । कर्मचारीले मंगलबारको बैठक अगाडि प्रदेशसभा भवनको गेटमै धर्ना दिने तयारी गरेका छन् ।
प्रकाशित : श्रावण ९, २०८० १२:०७
