तीन करोड लगानीमा कृषि फार्म

फार्ममा ३५ वटा बाख्रा, ३ हजार कुखुरा र चारवटा भैंसी पालन गरिएको छ । बढ्दो बसाइँसराइले गाउँको पाखोबारी बाँझिने क्रम बढेपछि श्रेष्ठले खर्‍यानलाई नै बारी बनाएर खेती सुरु गरेको बताए । तीन वर्षदेखि यहाँ चारवटा भवन बनिरहेका छन् ।

बाख्राका लागि आधुनिक खोर निर्माण भएको छ । लोकल र बोइलर कुखुराका लागि छुट्टाछुट्टै खोर छन् । भैंसीका लागि छुट्टै गोठ छ । ‘अहिलेसम्म ३ करोड रुपैयाँ लगानी भएको छ,’ श्रेष्ठले भने, ‘बारीमा अहिले मकै फल्दैछन् । गोलभेंडा, काउली, फर्सी, मुला, आलु, बोडी सिमीलगायत तरकारी उत्पादन हुन्छ ।’