तीन करोड लगानीमा कृषि फार्म
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
अर्घाखाँची — छत्रदेव गाउँपालिका–५ मा बहुउद्देश्यीय कृषि फार्म खोलिएको छ । युवा तेजेन्द्रकुमार श्रेष्ठले १ सय २० रोपनीमा फार्म सञ्चालन गरेका हुन् ।
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
फार्ममा ३५ वटा बाख्रा, ३ हजार कुखुरा र चारवटा भैंसी पालन गरिएको छ । बढ्दो बसाइँसराइले गाउँको पाखोबारी बाँझिने क्रम बढेपछि श्रेष्ठले खर्यानलाई नै बारी बनाएर खेती सुरु गरेको बताए । तीन वर्षदेखि यहाँ चारवटा भवन बनिरहेका छन् ।
बाख्राका लागि आधुनिक खोर निर्माण भएको छ । लोकल र बोइलर कुखुराका लागि छुट्टाछुट्टै खोर छन् । भैंसीका लागि छुट्टै गोठ छ । ‘अहिलेसम्म ३ करोड रुपैयाँ लगानी भएको छ,’ श्रेष्ठले भने, ‘बारीमा अहिले मकै फल्दैछन् । गोलभेंडा, काउली, फर्सी, मुला, आलु, बोडी सिमीलगायत तरकारी उत्पादन हुन्छ ।’
![](https://assets-cdn.ekantipur.com/uploads/source/ads/900-x-100-0172024023126.gif)
प्रतिक्रिया