सुन चोरी र खरिदको आरोपमा व्यवसायी पक्राउ

सुनका विभिन्न गरगहनाहरू बिलबिनै खरिद गरेको आरोपमा व्यवसायीलाई प्रहरीले नियन्त्रणमा लिएको हो । पक्राउ पर्नेमा कोहलपुर–११ मा रहेका कृष्ण गण्डकी सुनचाँदी ज्वेलर्सका सञ्चालक २९ वर्षीय विकास विक रहेका छन् । विकलाई बाबानगर एक घरबाट चोरी भएको गरगहना खरिद गरेको अनुसन्धानबाट खुलेपछि पक्राउ गरिएको डीएसपी ऐनबहादुर मल्लले बताए ।

‘चोरीमा संलग्न रहेको आरोपमा पक्राउ परेकी विकको बयानका आधारमा चोरीको गरगहना किन्दै आएका सुनचाँदी व्यवसायीलाई पक्राउ गरेका हौँ,’ डीएसपी ऐनबहादुर मल्ले भने, ‘चोरीका गरगहना बिनाबिल किनेपछि व्यवसायीलाई पक्राउ गरेका हौँ ।’ बिलबिना गरगहना किन्नु वैधानिक होइन ।’

गत मंसिर १० गते कोहलपुरको बाबानगर रहेको निरमाया परियारको घरबाट सुनको १२ आनाको पिँजडा एक जोडी, १० आनाको सुनको चुरा, १२ आनाको सुनको औँठी, चार आनाको माइली तिलहरी, एक थान मोबाइल र २५ हजार रुपैयाँ नगद चोरी भएको थियो ।