हात्तीको आक्रमणबाट बर्दियामा एकको मृत्यु
बर्दिया — बर्दिया राष्ट्रिय निकुञ्जसँग जोडिएको बारबर्दिया नगरपालिका—७ मा शनिबार बिहान हात्तीको आक्रमणमा परी एक जनाको ज्यान गएको छ ।
पूर्व–पश्चिम राजमार्गको ठेली खोला नजिक रम्मापुरका करिब ५०/५५ का सोलिराम चौधरीलाई आक्रमण गरी मारेको सशस्त्र प्रहरी बलले जनाएको छ । बर्दिया राष्ट्रिय निकुञ्जबाट निस्केको हात्तीले उनलाई आक्रमण गरेको प्रहरीले जनाएको छ ।
प्रात:भ्रमण निस्केका का उनलाई हात्तीले एक्कासि आक्रमण गरी मृत्यु भएको सशस्त्र प्रहरी उपरीक्षक जहरसिंह बुढा मगरले जनाए ।
धानबाली पाकेको र काटेर राखेको खान आउने हात्ती यतिखेर मध्यवर्ती क्षेत्रमा आतंक फैलाएको स्थानीयले बताएका छन् ।
प्रकाशित : कार्तिक ५, २०७९ १२:३३प्रतिक्रिया