पहिरो खस्दा सन्धिखर्क-गोरुसिंगे सडक अवरुद्ध
अर्घाखाँची — तीन दिनदेखि लगातार परेको वर्षाका कारण सन्धिखर्क-गोरुसिंगे सडक अवरुद्ध भएको छ । सन्धिखर्क नगरपालिकाको घुम्ती भन्ने स्थानमा हिजोदेखि पहिरो खसिरहेकाले बाटो अवरुद्ध भएको प्रहरीले जनाएको छ ।
सडकमाथिबाट लेदोसहितको पहिरो निरन्तर खसिरहेको छ । पहिरो हटाउन डोजर परिचालन गरे पनि पहिरो खस्न नछाडेको प्रहरी नायव उपरीक्षक मुकुन्द रिजालले बताए ।
पहिरो सडकमा थुप्रिएकाले हटाउन समस्या भएको उनले बताए । ‘पहिरो हटाएको एकैछिनमा फेरि खस्छ,’ उनले भने, ‘पहिरो खस्दा जोखिम भयो ।’
प्रकाशित : आश्विन २०, २०७९ १०:१७प्रतिक्रिया