बाँकेबाट हराएका दुई बालिका एक हप्तापछि सकुशल भेटिए

इलाका प्रहरी कार्यालय कोहलपुरका प्रमुख एवं प्रहरी नायव उपरीक्षक (डीएसपी) ऐनबहादुर मल्लका अनुसार दुवै बालिका पोखरामा सकुशल भेटिएका छन् ।

‘बालिकाहरू पोखरामा फेला परेको परिवारले जानकारी गराएको छ,’ मल्लले भने ,‘उनीहरू कसरी र कोसँग पोखरा पुगे भन्नेबारे थप अनुसन्धान गर्दैछौं ।’

गत मंगलबार बेलुका करिब ८ बजेतिर घरमा खाना खाएर सुत्ने क्रममा उनीहरू एक्कासी हराएका थिए । बालिका हराएको दुई दिनपछि बिहीबार परिवारले इलाका प्रहरी कार्यालय कुसुममा निवेदन दर्ता गराएका थिए । इप्रका कुसुमले परिवारसँग बालिकाको फोटो मागेर हुलियासहितको विवरण इलाका प्रहरी कार्यालय कोहलपुरमा पठाएको थियो ।

दुवै बालिकाका आमा दोस्रो विवाह गरेर गएका छन् । बुवाले दोस्रो विवाह गरेपछि निशा मावली हजुरबुवासँग बस्दै आएकी थिइन् भने बन्दना कान्छी आमा र हजुर आमासँग बस्दै आएकी थिइन् ।