अर्घाखाँचीलाई पहाडी क्षेत्रको पर्यटकीय गन्तव्य बनाउनुपर्छ : उपसभामुख भुसाल- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

अर्घाखाँचीलाई पहाडी क्षेत्रको पर्यटकीय गन्तव्य बनाउनुपर्छ : उपसभामुख भुसाल

वीरेन्द्र केसी

अर्घाखाँची — उपसभामुख पुष्पा भुसाल गौतमले नेपाल एकीकरण गर्दा खाँचीकोट राज्यको भूमिका महत्त्वपूर्ण रहेको बताउँदै खाँचीकोट दरबारलाई राम्रो पर्यटकीय गन्तव्य बनाउनुपर्ने बताएकी छन् । नेपाल एकीकरणको इतिहासमा खाँची राज्यकी राजकुमारी चन्द्रप्रभावती (पृथ्वीनारायण शाहकी जेठी मुमा)कै शिक्षा र राजकीय रणकौशलबाट नेपाल एकीकरण भएको भन्दै उनले यस क्षेत्रलाई पर्यटकीय गन्तव्य बनाउनुपर्ने बताएकी हुन् ।

‘ऐतिहासिक, सांस्कृतिक हिसाबले खाँचीकोटको बेग्लै महत्त्व छ,’ सन्धिखर्क नगरपालिका-७ खाँचीकोटमा निर्माण भएको कालिका भगवती देवीको मन्दिर उद्घाटन गर्दै उनले भनिन्, ‘नेपाल एकीकरण गर्न खाँची राज्यको भूमिका महत्त्वपूर्ण छ । इतिहासको संरक्षण गर्दै यस क्षेत्रलाई पर्यटकीय स्थल बनाउनुपर्छ ।’

खाँची दरबारसहित जिल्लाका ऐतिहासिक, धार्मिक, सांस्कृतिक, प्राकृतिक संरचनासहितका पर्यटकीय स्थलको विकास गर्दै अर्घाखाँचीलाई पहाडी जिल्लाको राम्रो गन्तव्यको रुपमा विकास गर्न आफूले बजेट भित्र्याएको उनले बताइन् । पर्यटकबाटै युवालाई स्वरोजगार बनाउन सकिने भएकाले आफूले यसमा विशेष ध्यान दिएर पर्यटकीय स्थलको संरचना निर्माण गर्न भित्र्याएको बजेटबाट धमाधम काम भैरहेको भुसालले बताइन् ।

लुम्बिनी प्रदेशका पूर्वमन्त्री चेतनारायण आचार्यले कला, संस्कृतिको संरक्षण र प्रवर्द्धनमा सबै लाग्नुपर्ने बताउँदै पर्यटन विकास, पूर्वाधार विकासमा देशकै नमुना जिल्ला अर्घाखाँचीलाई बनाइनुपर्ने तर्क गरे ।

कार्यक्रममा प्रदेश सांसद निर्मला क्षेत्री, सन्धिखर्क नगरपालिका प्रमुख कृष्णप्रसाद श्रेष्ठ, उपप्रमुख मिश्रा आचार्य लगायत राजनीतिक दलका नेता, सर्वसाधारणको उल्लेख्य उपस्थिति रहेको थियो ।

प्रकाशित : आश्विन १०, २०७९ २०:४२
प्रतिक्रिया
पठाउनुहोस्

सोनामका सयभन्दा बढी वस्तुमा अतिरिक्त छुट

कान्तिपुर संवाददाता

काठमाडौँ — दसैं लक्षित सोनामको अफरमा थप अतिरिक्त छुट घोषणा गरिएको छ । भदौ २५ देखि सुरु ‘यसपालिको चाड, सोनामको साथ’ नामक छुट योजनामा अन्तिम साता सयभन्दा बढी वस्तुमा अतिरिक्त छुट दिइने कम्पनीले जनाएको छ ।

दसैंलक्षित अफरमा छानिएका वस्तुमा ७० प्रतिशतसम्म छुट कम्पनीले दिइरहेको छ । विशेष छुटसबै आउटलेटमा लागु गरिएको कम्पनीले बताएको छ । सोनम ब्रान्डमा महिला, बालबालिका र पुरुषका ज्याकेट, ट्राउजर, सर्ट, पाइन्ट, पञ्जा, जिम भेस्ट, स्वेटर, कोट, ट्रेकिङ जाँदा लगाउने पोसाक, टेन्ट, ब्यागलगायत उत्पादन छन् ।

प्रकाशित : आश्विन १०, २०७९ २०:३८
पूरा पढ्नुहोस्
प्रतिक्रिया
पठाउनुहोस्
×