भन्सार छलेर ल्याइएको दुई ट्रक चिनी र चामल बरामद

उक्त ट्रकका चालक प्यूठानस्थित माण्डबी गाउँपालिका–३, नयाँ गाउँ बस्ने २४ वर्षीया विनोद थापालाई पनि नियन्त्रणमा लिई थप कारबाहीका लागि बुटवलस्थित राजश्व अनुसन्धान कार्यालयमा पठाएको सशस्त्र प्रहरी उपरीक्षक श्रेष्ठले बताए । उक्त गणकै सशस्त्र प्रहरी नायव उपरीक्षकको कमाण्डमा खटिएको अर्को टोलीले रुपन्देहीको ओमसतिया गाउँपालिका–४, बसन्तपुरस्थित हुलाकी सडक खण्डमा पूर्वबाट भैरहवातर्फ आउँदै गरेको ना ३ ख ६३२५ नम्बर ट्रकबाट भन्सार छलेर भित्र्याइएको १ सय बोरा चामल बरामद गरेको छ ।

सशस्त्रको टोलीलाई देख्नासाथ उक्त ट्रकका चालक ट्रक रोकेर फरार भएपछि टोलीले ट्रकलाई नियन्त्रणमा लिई जाँच गरेको थियो । बरामद गरिएको उक्त ट्रक र चामललाई बिहीबार नै भैरहवा भन्सार कार्यालयमा बुझाइएको छ । दुईवटै ट्रक र ती ट्रकबाट बरामद गरिएको सामानको मूल्य १ करोड ३८ लाख रुपैयाँ बराबर रहेको सशस्त्र प्रहरीले जनाएको छ ।