२४.१२°C काठमाडौं
बर्दियामा सशस्त्र प्रहरीद्वारा अवैध काठ बरामद
बर्दिया — सशस्त्र प्रहरी बल ३१ नम्बर गणले अवैधरुपमा काठ ओसार गर्न लाग्दा साल जातका गोलिया काठ बरामद गरेको छ । गुलरिया नगरपालिका–१ गाउँ नम्बर १६ स्थित भारतबाट अवैध रुपमा भित्राइएको साल बरामद गरेको हो ।
करिब ३३ क्यूफिट अन्दाजी साढे ८१ हजार मूल्य बराबरको काठ बरामद गरेको सशस्त्र प्रहरी उपरीक्षक जहरसिंह बुढाले बताए । साइकलमा काठ लिई आउँदै गरेका तस्करका भरिया फरार भएको उनले बताए ।
बरामद काठ आवश्यक अनुसन्धान र कारबाहीका लागि डिभिजन वन कार्यालय बर्दियालाई बुझाएको सशस्त्र प्रहरी बलले जनाएको छ ।
केही समययता भारतबाट अवैध रुपमा भित्राइएका काठ सशस्त्र प्रहरी बलले बरामद गरी वन कार्यालयलाई बुझाउँदै आएको छ ।
प्रतिक्रिया
