पूर्वमन्त्री उपाध्यायका छोरा आशिषले कपिलवस्तु–२ बाट उम्मेदवारी दिने- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

पूर्वमन्त्री उपाध्यायका छोरा आशिषले कपिलवस्तु–२ बाट उम्मेदवारी दिने

मनोज पौडेल

कपिलवस्तु — कांग्रेस महाधिवेशन प्रतिनिधि तथा युवा नेता आशिष शर्माले संघीय निर्वाचन क्षेत्र २ बाट संघीय सांसदको उम्मेदवार हुन निवेदनसहित दाबी पेस गरेका छन् । ३७ वर्षे उनले संघीय क्षेत्र नं. २ का क्षेत्रीय समितिलाई उक्त पदमा दाबी रहेको भन्दै निवेदन दर्ता गरेका छन् ।

उनी पूर्वमन्त्री तथा राजदूत दीपकुमार उपाध्यायका छोरा हुन् । उपाध्यायको नाम पनि संघीय सांसदका लागि चर्चा परिचर्चा भइरहेका बेला छोराले पनि उम्मेदवार हुने चाहना राखेका हुन् ।

समक्ष युवा नेतृत्वको पहिचान र प्रोत्साहनको आवश्यकता रहेकाले सांसदको इच्छुक उम्मेदवारको सूचीमा आफ्नो पनि नाम समावेश गरेर पठाउन आग्रह गरेको उनले बताए । कांग्रेसमा आस्था राख्ने हजारौं युवा र १८–४० वर्ष उमेरका ७० प्रतिशत मतदाताको प्रतिनिधित्व गर्नपनि अहिले युवा उम्मेदावरको खाँचो रहेको उनले बताए । निजात्मक स्वार्थ र संकुचित निर्णयले पार्टीलाई अपूरणीय क्षतिको सम्भावना देखिएकाले सुधार आवश्यक औंल्याउँदै पत्र लेखेको उनले बताए ।

युवा नेता शर्माले आगामी मंसिर ४ गते हुने आम निर्वाचनमा पार्टी तथा गठबन्धनका उम्मेदवारको जित सुनिश्चित गर्न पार्टीले ध्यान दिनुपर्ने ६ बुँदा उल्लेखगरी पत्रमा ध्यानाकर्षण गराएका छन् । ‘आफूले ध्यानाकर्षण गराएको तथ्य व्यक्तिगत मात्र नभएर आम कार्यकर्ताहरुको पनि चाहना हो,’ उनले भने, ‘यो सत्यलाई आत्मसात गरी पार्टीले गम्भिरताका साथ आफ्नो निर्णयमा विचार गरोस् भन्ने आग्रह हो ।’

पार्टीले अवसर प्रदान गरेमा माथिका कमिकमजोरीहरुलाई हटाउन पार्टीमा व्यापक छलफल, आत्मियता र सद्भावको अभिवृद्धिबाट पार्टीको जीत सुनिश्चित गर्ने उद्देश्यले क्षेत्र नं. २ को संघीय संसद पदमा प्रतिस्पर्धा गर्न इच्छुक उम्मेदवारको सूचीमा नाम समावेश गरी अवसर प्रदान गर्नुहुन अनुरोध गरेको उनले बताए ।

प्रकाशित : भाद्र १६, २०७९ ११:४६
प्रतिक्रिया
पठाउनुहोस्

जबराको दोस्रो दिनको बयान सुरु

कान्तिपुर संवाददाता

काठमाडौँ — महाभियोग प्रस्ताव दर्ता भएपछि ६ महिनादेखि निलम्बित प्रधानन्यायाधीश चोलेन्द्रशमशेर जबरासँग प्रतिनिधिसभाको महाभियोग सिफारिस समितिले आज पनि बयान लिन सुरु गरेका छन् । पहिलो दिन (बुधबार) विषय मात्र प्रवेश भएको र प्रश्न धेरै भएकाले जबरालाई आज ११ बजे बोलाइएको हो ।

उनले बुधबार आफ्नो प्रतिरक्षा गर्ने अवसरलाई सदुपयोग गर्नुको सट्टा सहकर्मी न्यायाधीशहरू, बारका पदाधिकारी तथा दलका नेताहरूलाई दोषारोपण गरेर पहिलो दिनको ४ घण्टा बिताएका थिए । उनीमाथिको बयान केही दिन लम्बिने देखिएको छ ।

बुधबार निर्धारित समयअनुसार ११ बजे नै समितिको सिंहदरबारस्थित कार्यालय पुगेका जबरालाई करिब पौने २ घण्टा सचिवालयमा कुराएर बयान सुरु गरिएको थियो ।

गत फागुन १ मा सत्तारूढ दलका ९८ सांसदले जबराविरुद्ध महाभियोग प्रस्ताव दर्ता गराएका थिए । प्रतिनिधिसभाले यो प्रस्तावलाई प्रक्रियामा लगेर टुंग्याउनुको सट्टा थाहै नपाएजस्तै गरेको थियो ।

६ महिनापछि गत साउन २२ मा सभामुख अग्नि सापकोटाले प्रस्ताव महाभियोग सिफारिस समितिमा पठाएपछि पनि समिति निष्क्रियजस्तै थियो ।

भदौ १ मा पहिलो बैठक बसेकोमा समितिले भदौ ८ मा भने कार्यतालिका बनाउँदै १२ दिनमा प्रतिवेदन सदनमा बुझाउने तयारी गरेको छ ।

प्रकाशित : भाद्र १६, २०७९ ११:३८
पूरा पढ्नुहोस्
प्रतिक्रिया
पठाउनुहोस्
×