बढैयातालका करार कर्मचारी आन्दोलित
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
बर्दिया — म्याद थप नगरिएको लगायत पाँच बुँदे माग राख्दै बुधबारदेखि बढैयाताल गाउँपालिकाका करारका कर्मचारी आन्दोलनमा उत्रिएका छन् । उनीहरूले बढैयाताल गाउँपालिकाको मूलद्वारमा तालाबन्दी गरी धर्ना दिएका छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![बढैयातालका करार कर्मचारी आन्दोलित](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/karar-3182022082340-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
‘श्रम शोषण नगरी सरकारले तोकेअनुसार पारिश्रमिकको व्यवस्था गरियोस्’, ‘करारका कर्मचारीलाई दीर्घकालीन व्यवस्था गरियोस्’ लगायत माग राख्दै कर्मचारी आन्दोलनमा उत्रिएका हुन् । आन्दोलनको नेतृत्व गरेका विष्णु घिमिरेले करारका कर्मचारीलाई कामकाज गराउने व्यवस्था नगरिएको भन्दै आन्दोलनमा उत्रिएको बताए । उनले आफ्ना माग पूरा नभएसम्म तालाबन्दी जारी राख्ने उनले जनाए ।
बढैयाताल गाउँपालिकाले ३८ जना करारका कर्मचारीलाई साउन १ गतेदेखि म्याद थप गरेको छैन । पालिकाका अध्यक्ष हिमालय त्रिपाठीले महालेखा परिक्षकले विगतमा राखिएका करारका कर्मचारीबाट बेरुजु आएकाले म्याद थप नगरेको बताए ।
‘नियमसम्मत नभएकाले करार कर्मचारीको म्याद थप गर्ने अवस्था छैन,’ उनले भने‚ ‘कर्मचारी हटाउने हाम्रो उद्देश्य होइन; महालेखाले राख्न नमिल्ने भनेको छ ।’ आन्दोलनका कारण कार्यालयभित्र कर्मचारी प्रवेश गर्न नपाउँदा कामकाज प्रभावित भएको छ ।
![](https://assets-cdn.ekantipur.com/uploads/source/ads/900-x-100-0172024023126.gif)