पाल्पामा ५५ वर्षीय पुरुष मृत भेटिए- लुम्बिनी - कान्तिपुर समाचार

पाल्पामा ५५ वर्षीय पुरुष मृत भेटिए

माधव अर्याल

पाल्पा — पाल्पाको रामपुर नगरपालिका–५, मटेरीका ५५ वर्षीय मनबहादुर विक शुक्रबार दिउँसो मृत अवस्थामा भेटिएका छन् ।

प्रहरी कार्यालयका अनुसार घरदेखि २ सय ५० मिटर टाढा ठूलो आँप भन्ने स्थानमा भित्री कच्ची सडक छेउमा विक मृत अवस्थामा भेटिएका हुन् ।

बिहान खाना खाएर घरबाट हिँडेका उनलाई स्थानीयले सडक छेउमा मृत अवस्थामा देखेपछि प्रहरीलाई खबर गरेका थिए । मृगौलाको समस्याबाट गुज्रिँदै आएका उनको तीन पटक शल्यक्रिया गरेको पारिवारिक स्रोतले जानकारी दिएको छ ।

के कारणले घटना भयो भन्नेबारे प्रहरीले अनुसन्धान सुरु गरेको प्रहरी निरीक्षक गौतम बोहोराले जानकारी दिए ।

प्रकाशित : श्रावण २७, २०७९ १७:१५
प्रतिक्रिया
पठाउनुहोस्

एक दिन बढ्दा ४ दिन घट्यो सेयर बजार 

कान्तिपुर संवाददाता

काठमाडौँ — यो साता सेयर बजारको परिसूचक नेप्से समग्रमा ७६ अंक घटेको छ । गत साता २११३ अंकमा रहेको नेप्से यो साता २०३७ अंकमा रहेर बन्द भयो । नेप्से एक दिन बढ्दा ४ दिन घटेको छ ।

साताको पहिलो दिन आइतबार परिसूचक नेप्से १०.२७ अंक बढ्यो । सो अंकको वृद्धिपछि नेप्से २१२३ अंकमा पुगेको थियो । दोस्रो दिन सोमबार फेरि नेप्से १७. ६७ अंक घटेर २१०६ अंकमा झऱ्यो । मंगलबार ४३.३५ अंक घट्यो भने बुधबार थप ५.११ अंक घटेपछि नेप्से २०५७ अंकमा ओर्लियो । बिहीबार १९ अंक घटेसँगै यो साता २०३७ अंकमा नेप्से अडियो । शुक्रबार भने सार्वजनिक विदाका कारण काराेबार भएन ।

नेप्सेसँगै कारोबार रकम साताको पछिल्ला दिनमा उच्च दरले घट्यो । आइतबार २ अर्ब ६७ करोड रुपैयाँको सेयर कारोबार भएकोमा सोमबार २ अर्ब ८५ करोड र मंगलबार २ अर्ब ८१ करोड रुपैयाँको कारोबार भयो । बुधबार १ अर्ब ९३ करोडमा झरेको कारोबार बिहीबार १ अर्ब ७६ करोडमा खुम्चियो । कारोबार रकम घट्नुले सेयर खरिदमा लगानीकर्ताको उत्साह नरहेको र बेच्नेहरु पनि धेरै नआत्तिएको संकेत गर्छ । यो साता कारोबार रकमका आधारमा शिवम् सिमेन्ट, हिमालयन डिस्टिलरी, नबिल बैंक, हिमालयन एभरेष्ट इन्स्योरेन्स तथा नागरिक लगानी कोष अगाडि रहे ।


प्रकाशित : श्रावण २७, २०७९ १७:१५
पूरा पढ्नुहोस्
प्रतिक्रिया
पठाउनुहोस्
x
×