प्यूठानमा चट्याङ : दुई बालक गम्भीर घाइते- लुम्बिनी - कान्तिपुर समाचार
कान्तिपुर वेबसाईट
AdvertisementAdvertisement

प्यूठानमा चट्याङ : दुई बालक गम्भीर घाइते

११ जना घाइते
शमशेरविक्रम जीसी

प्यूठान — सोमबार रातिको अविरल वर्षासँगै परेको चट्याङले प्यूठानमा ११ जना घाइते भएका छन् ।

जिल्लाकाे ऐरावती गाउँपालिका-६ बिजुलीकाेटमा चट्याङ पर्दा पाँच जना घाइते भएका हुन् । घाइते हुनेहरूमा स्थानीय ७ वर्षीय राेमन परियार, १२ वर्षीय किरण परियार गम्भीर घाइते भएका छन् । त्यस्तै अरू पाँच जना पनि घाइते भएका छन् । घाइते हुनेमा दिपक परियार, सपना परियार, सुवर्ण परियार, एलिसा परियार, सगुन परियार पनि घाइते भएकाे वडा अध्यक्ष भरत खड्काले जानकारी दिए ।

यस्तै, ऐरावती गाउँपालिका वडा न-१ दाङवाङमा पनि सोमबार राति चट्याङ पर्दा चार जना घाइते भएका छन् । घाइते हुनेमा एकै घरका तीन जना पनि रहेका छन् । घाइते हुनेमा पबी नेपाली, लिला नेपाली, अञ्जली नेपाली र सीता नेपाली घाइते भएकाे ऐरावती गाउँपालिका अध्यक्ष नबिलविक्रम शाहले जानकारी दिए । बिहान साढे तीन बजेतिरकाे समयमा चट्याङ परेकाे थियाे । घाइते सबैलाई उपचारका लागि बिजुवार पठाइएकाे छ ।

प्रकाशित : असार २१, २०७९ ०८:२२
प्रतिक्रिया
पठाउनुहोस्

बजेट निकासा छानबिन गर्न संसदीय समिति

कान्तिपुर संवाददाता

धनुषा — मधेस प्रदेशको अर्थ मन्त्रालयबाट जिल्लामा सोझै बजेट पठाएको विषयमा छानबिन गर्न संसदीय समिति गठन गरिएको छ । मन्त्रालयले सप्तरीमा उपभोक्ता समितिमार्फत काम गराउन २० करोड रकम पठाएको विषयमा छानबिन गर्न प्रमुख प्रतिपक्ष लोकतान्त्रिक समाजवादी पार्टी (लोसपा) का सचेतक परमेश्वर साहले माग गरेपछि संसदीय समिति बनाइएको हो । 

सम्बन्धित मन्त्रालयमार्फत बजेट नपठाई सोझै सिँचाइ कार्यालयलाई बजेट दिएको विषयमा अर्थमन्त्रीले प्रदेशसभामा जवाफ दिनुपर्ने र छानबिनका लागि संसदीय समितिको माग गर्दै लोसपाका सांसदहरूले प्रदेशसभा बैठक अवरुद्ध गरेका थिए ।

अर्थमन्त्री शैलेन्द्रप्रसाद साहले सिँचाइ कार्यालय सप्तरीले भौतिक विकास मन्त्रालयलाई भनेपछि मन्त्रालयले जेठ १६ मा निर्णय गरेर पठाएपछि मात्र अर्थ मन्त्रालयले बजेटको व्यवस्थापन गरेको जवाफ दिएका थिए । मन्त्रीले सप्रमाण जवाफ दिनुपर्ने र यस विषयमा प्रश्न उठेकाले प्रदेशसभाबाट समिति बनाई अनुगमन गरेर जानकारी गराउन समिति गठन गर्नुपर्ने माग विपक्षीको थियो ।

सभामुख सरोज रायले ८ सदस्यीय समिति गठन गरेका हुन् । १५ दिनभित्रमा प्रतिवेदन पेस गर्ने गरी उपसभामुख उपमा देवको संयोजकत्वमा समिति गठन भएको छ । समितिका सदस्यहरूमा विन्देश्वरप्रसाद यादव, शिवचन्द्र चौधरी, रानी शर्मा तिवारी, अशोककुमार यादव, किशोरी साह कमल, रामकुमार यादव र सावित्री देवी साह छन् । समितिले रकमान्तर, स्थानीय तहमा दिएको अनुदान रकम, जनता आवास कार्यक्रम र भूमि, व्यवस्था कृषि तथा सहकारी मन्त्रालयमा लगाइएको तालालगायत विषयमा अनुगमन तथा छानबिन गरी १५ दिनमा सभामुखसमक्ष प्रतिवेदन पेस गर्ने जनाइएको छ ।

प्रकाशित : असार २१, २०७९ ०८:१५
पूरा पढ्नुहोस्
प्रतिक्रिया
पठाउनुहोस्
×