खाल्डोमा डुबेर बालिकाको मृत्यु
दाङ — दाङमा खाल्डोमा डुबेर एक बालिकाको मृत्यु भएको छ । लमही नगरपालिका ८ निवासी रीना रावतकी ४ वर्षीया छोरी रेश्मा रावतको शुक्रबार खाल्डोमा डुबेर मृत्यु भएको जिल्ला प्रहरी कार्यालय दाङले जनाएको छ ।
गढवा गाउँपालिका-१ रङसिङ खोलास्थित पुल निर्माण हुँदै गरेको स्थानमा पानी जमाउनका लागि निर्माण गरिएको खाल्डोमा डुबेर बालिकाको मृत्यु भएको जिल्ला प्रहरी प्रवक्ता डीएसपी मुकुन्दप्रसाद रिजालले बताए ।
रीनाका श्रीमान् उक्त स्थानमा काम गर्दै आएको र श्रीमान् भेट्न गएको समयमा कपडा धुन र नुहाउन गएको बेला पानी भएको खाल्डोमा डुबेर रेश्माको मृत्यु भएको प्रहरीले जनाएको छ ।
प्रकाशित : असार १७, २०७९ २१:०१प्रतिक्रिया