नेकपा एकीकृत समाजवादी दाङका इञ्चार्जद्वारा राजीनामा
निर्वाचनमा जित हासिल गर्न नसकेका कारण नैतिक रुपमा पदमा बसिरहन उचित नभएको नेता रानाको तर्क
दाङ — नेकपा एकीकृत समाजवादीका केन्द्रीय सदस्य तथा जिल्ला इञ्चार्ज जोगबहादुर रानाले पदबाट राजीनामा दिएका छन् ।
सत्ता गठबन्धनका तर्फबाट तुलसीपुर उपमहानगरपालिकाको उपप्रमुखमा उम्मेदवार भएका रानाले आफू लगायत जिल्लाका सबै उम्मेदवार पराजित भएपछि नैतिकताका आधारमा राजीनामा दिएको बताएका छन् ।
निर्वाचनमा जित हासिल गर्न नसकेका कारण नैतिक रुपमा पदमा बसिरहन उचित नभएका कारण राजीनामा दिएको रानाले बताएका छन् ।
यसअघि नेकपा एकीकृत समाजवादीका केन्द्रीय अध्यक्ष माधव कुमार नेपालले निर्वाचनपछि गठबन्धनले आफ्नो पार्टीलाई असहयोग गरेको संकेत गर्दै यसबारे समीक्षा गर्नुपर्ने प्रतिक्रिया दिएका थिए ।
प्रकाशित : जेष्ठ ११, २०७९ १४:०६प्रतिक्रिया