बाँकेमा ब्राउन सुगरसहित दुई पक्राउ

वैशाख २२, २०७९रुपा गहतराज

नेपालगन्ज — बाँके इलाका प्रहरी कार्यालय जमुनाहाले लागूऔषध ब्राउन सुगरसहित २ जनालाई पक्राउ गरेको छ । जिल्लाको बैजनाथ गाउँपालिका ३ बस्ने २३ वर्षीय कृष्णाप्रसाद रेग्मी र दैलेखको नारायण नगरपालिका ९ सारु बस्ने २४ वर्षीया दिपिका पुन मगरलाई प्रहरीले बिहीबार पक्राउ गरेको हो ।

प्रहरीका अनुसार, भारतबाट भे१२प१४९७ नम्बरको मोटरसाइलमा दुवै जना चढेर नेपालगन्ज आउने क्रममा शंकाको आधारमा जाँच गर्दा रेग्मीको पाइन्टको खल्तीबाट ६ ग्राम ब्राउन सुगर फेला परेकाले पक्राउ गरिएको हो ।