तिलोत्तमामा एमालेको तुलना कसैले गर्न सक्दैन : भुसाल

‘महाभारतको लडाइँ पाण्डवले जितेजस्तै स्थानीय निर्वाचन एमालेले जित्छ,’ उनले भने, ‘एमाले यस निर्वाचनमा पाण्डवको रुपमा खडा भएको छ ।’

रुपन्देहीको तिलोत्तमा नगरपालिका १३ मा सोमबार आयोजित कार्यक्रममा बोल्दै नेता भुसालले रुपन्देहीका तिलोत्तमाले विकासमा राष्ट्रिय पहिचान बनाइसकेको दाबी गरे । उनले अबको चुनाव जित्न यसैलाई आधार बनाउन सकिने बताए । ‘यहाँ पाँच वर्षमा पर्याप्त पूर्वाधारको विकास भएको छ; अब यसैको जगमा टेकेर थप विकासका कार्यक्रमहरू अघि बढ्छन्; त्यसका लागि एमालेको नेतृत्व आवश्यक छ,’ भुसालले भने ।

तिलोत्तमामा एमालेका तर्फबाट अगाडि सारिएका उम्मेदवारको अन्य पार्टीका उम्मेदवारसँग तुलना हुन नसक्ने उनको भनाइ थियो । एमालेका उम्मेदवारको तुलनामा अरु कोही उम्मेदवार योग्य भएमा सार्वजनिक बहस गर्न तयार रहेको भुषालले दाबी गरे ।