५ वर्षमा भूमे गाउँपालिकामा शून्य उजुरी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
रुकुम पूर्व — स्थानीय तहमा हरेक योजना तथा विभिन्न नीति, नियम, कानुन कार्यान्वयनका सन्दर्भमा उजुरी परिरहेका छन् । तर रुकुम पूर्वको एक स्थानीय तहमा भने ५ वर्षको अवधिमा एउटा पनि उजुरी परेको छैन ।
![](https://assets-cdn.ekantipur.com/uploads/source/ads/900x100-1172024092759.gif)
![५ वर्षमा भूमे गाउँपालिकामा शून्य उजुरी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/gapaa-0342022015621-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
भूमे गाउँपालिका कार्यान्वयनमा आएको ५ वर्ष पूरा भएको छ । तर यस गाउँपालिकामा हालसम्म एउटा पनि उजुरी परेको छैन । सर्वसाधारण नागरिक, सरोकारवाला, राजनीतिक दल तथा तिनका नेताहरुले उजुरी गर्ने निकायमा कुनै पनि उजुरी परेको छैन ।
प्रमुख प्रशासकीय अधिकृत चन्द्रसिङ श्रेष्ठका अनुसार अख्तियार दुरुपयोग अनुसन्धान, हेलो सरकार, सतर्कता केन्द्र, संघ, प्रदेश मन्त्रालय, विभाग र अन्य निकाय कुनैमा पनि उजुरी परेको छैन ।
प्रमुख प्रशासकीय अधिकृत श्रेष्ठले हालसम्म गाउँपालिकाकै कार्यालयमा भने यो अवधिमा २७ वटा मौखिक, लिखित र टेलिफोन मार्फत उजुरी आएको बताए। जसमध्ये २४ उजुरी फर्स्यौट भइसकेको र तीन वटा उजुरी फर्स्यौटको लागि लेखी पठाइएको अधिकृत श्रेष्ठले बताए । गत आर्थिक वर्षको कार्य सम्पादन मूल्याङ्कनमा पनि यो गाउँपालिकामा जिल्लाका अरु स्थानीय तहभन्दा उत्कृष्ठ भएको थियो ।
![](https://assets-cdn.ekantipur.com/uploads/source/ads/900-x-100-0172024023126.gif)