शिवनाथ गाउँपालिका उपाध्यक्ष चन्द कांग्रेसमा प्रवेश

नेकपा एमालेबाट गाउँपालिका उपाध्यक्षमा निर्वाचित चन्दलाई पार्टीको निर्देशन अवज्ञा गरेको भन्दै एमालेले कारबाही गरेको थियो ।

शिवनाथको सुल्लेखानमा नेपाली कांग्रेसले आयोजना गरेको आमसभामा चन्दले एमाले परित्याग गरेर कांग्रेसमा प्रवेश गरेको नेपाली कांग्रेसका क्षेत्रीय सचिव धनबहादुर क्षेत्रीले बताए ।

तीनदिन अघि मात्रै एमालेले चन्दलाई पार्टीबाट कारबाही गरेर निष्कासन गरेको विज्ञप्ति निकालेको थियो । उपाध्यक्ष चन्दले भने आफूलाई सफाइको मौकासमेत नदिई पूर्वाग्रही ढंगले कारबाही गरेको आरोप लगाएकी थिइन् ।