वन्यजन्तुबाट बाली जोगाउनै धौ–धौ

‘बाली र ज्यान जोगाएरै गाउँमा बस्ने हो,’ उनले भने, ‘वर्षदिन दुःख गरेर उब्ज्याएको उब्जनीले पाँच महिनालाई खान पुग्दैन । त्यसमाथि जंगली जनावरले बाली खाइदिएर र नोक्सान गरेर हैरानी छ ।’

सिद्धारा बर्रेका मुक्तबहादुर भुसालले भालुसहित जंगली जनावरले धेरैपटक आक्रमण गरेर शरीर चिथोरेको बताए । बाली खान आएका वन्यजन्तुलाई भगाउन खोज्दा तिनले झम्टिँदा शरीरभरि घाउ भएको उनले सुनाए । प्रहरी, प्रशासनमा गुहार माग्दा सुनुवाइ नभएको भुसालको गुनासो छ ।

बारीमा पाक्नै लागेका मकै बाँदरबाट जोगाउन त्यस सिजनमा धेरै विद्यार्थी स्कुल नै जाँदैनन् । ‘बारीमा उत्पादन भएको अन्न आधाजसो जंगली जनावरलाई नै हुन्छ,’ सिद्धाराका टेकबहादुर बेल्वासेले भने, ‘तीन वर्षदेखि यो समस्या व्यहोरिरहेका छौं ।’

सुविधा खोज्दै सहर झर्नेको लहर चलिरहेका बेला गाउँमै बसेका परिवारलाई अहिले जंगली जनावरले विस्थापितको अवस्थामा पुर्‍याएको भीमबहादुर घर्तीले सुनाए ।