बर्दघाटमा पाटेबाघ मृत फेला
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
परासी — पश्चिम नवलपरासीको बर्दघाटमा पाटेबाघ मृत फेला परेको छ । जिल्लाको बर्दघाट नगरपालिका १६ स्थित दाउन्नेदेवी सामुदायिक वनमा पोथी बाघ मृत अवस्थामा फेला परेको डिभिजन वन कार्यालय पश्चिम नवलपरासीका प्रमुख शंकरप्रसाद गुप्ताले बताए ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![बर्दघाटमा पाटेबाघ मृत फेला](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/tiger-2912022043941-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
तस्करीले बाघलाई तारको पासोमा पारेर गोली हानी हत्या गरेको हुन सक्ने गुप्ताले बताए । उनका अनुसार घटनाबारे अनुसन्धान भइरहेको छ ।
घाँस, दाउरा काट्न सामुदायिक वनमा गएका स्थानीयले मृत बाघ देखेपछि वन कार्यालयमा खबर गरेका थिए । स्थानीयको खबरपछि नजिकैको श्री नम्बर २ वन तथा पर्यावरण सुरक्षा गणका सेना, वन कर्मचारी, प्रहरी र स्थानीय घटनास्थल पुगेका थिए ।
बाघको घाँटीमा पासो लगाएको डाम र शरीरका विभिन्न स्थानमा गहिरो चोट लागेको छ । १ सय ५० किलोग्राम बाघ साढे ७ फिट लम्बाई र साढे ३ फिट उचाईको रहेको प्रमुख गुप्ताले बताए ।
![](https://assets-cdn.ekantipur.com/uploads/source/ads/900-x-100-0172024023126.gif)