बुटवलमा निर्माणाधीन भवनमा आगलागी- लुम्बिनी - कान्तिपुर समाचार

बुटवलमा निर्माणाधीन भवनमा आगलागी

अमृता अनमोल

बुटवल — शुक्रबार एक क्लबको निर्माणाधीन भवनमा आगलागी भएको छ ।

बुटवल उपमहानगरपालिका–९ को सिद्धार्थ कटेज नजिकै 'प्लान बी डान्स क्लब'को बन्दै गरेको भवनमा दिउँसो साढे १२ बजेदेखि आगलागी भएको हो ।

आगो के कारणले लागेको हो भन्नेबारे पुष्टि हुन नसकेको इलाका प्रहरी कार्यालय बुटवलका प्रहरी प्रमुख ठगबहादुर केसीले बताए । आगो नियन्त्रणका लागि अहिले बुटवल उपमहानगरपालिको दमकल प्रयोग भइरहेको छ । तिलोत्तमा, देवदह र सैनामैनाका दमकल पनि आउँदै गरेको प्रहरीले जनाएको छ ।

प्रकाशित : पुस ३०, २०७८ १३:२६
प्रतिक्रिया
पठाउनुहोस्

बेलायतमा अब पाँच दिनमात्र आइसोलेसनमा बसे पुग्ने

कान्तिपुर संवाददाता

लन्डन — बेलायतमा कोरोना संक्रमितलाई ‘सेल्फ आइसोलेसन’मा बस्ने समय घटाएर पाँच दिन निर्धारण गरिएको छ । यसअघि दश दिन रहेकोमा त्यसलाई घटाएर सात दिनसम्म आइसोलेसनमा बस्नुपर्ने नियम लागू गरिएको थियो ।


उक्त समयलाई कटौती गर्दै कोभिड पोजेटिभ देखिएका नागरिकलाई अब पाँच दिनमात्र सेल्फ आइसोलेसनमा बस्नुपर्ने भएको हो ।

बेलायतका स्वास्थ्य अधिकारीहरूको परामर्शमा सरकारले सो समय कटौती गरेको स्वास्थ्यमन्त्री सजिद जाभिदले बताएका छन् । उनका अनुसार बेलायती नागरिकमा आगामी सोमबारदेखि आइसोलेसनका लागि यो समय लागू हुने भएको हो ।

पाँच दिन र छैटौं दिनको बिहानसम्ममा कोभिड नेगेटिभ देखिएका व्यक्ति आइसोलेसनबाट बाहिर निस्किन पाउने भएका हुन् ।

प्रकाशित : पुस ३०, २०७८ १३:२२
पूरा पढ्नुहोस्
प्रतिक्रिया
पठाउनुहोस्
x
×