फलामे पासोमा चितुवा 

अन्दाजी ४/५ वर्षको ३० केजी तौल भएको पोथी चितुवा पासोमा परेको डिभिजन वन कार्यालय तनहुँका साहयक वन अधिकृत बाबुराम उप्रेतीले बताए । उक्त चितुवा चितवन राष्ट्रिय निकुन्जमा पठाउने तयारी गरिएको छ । ‘बिर्ता क्षेत्रमा बाख्रा खाएको गनुासो किसानले गरे’, उनले भने, ‘त्यसैले डिभिजन वनले फलामे खोर पासो थापेका हौँ ।’

आधा दर्जन बढी बाख्रा चितुवाले खाएको छ । १५ दिन अगाडि थापेको पासोमा पोथी चितुवा परेको हो । उक्त वन क्षेत्रमा धेरै चितुवा हुन सक्ने भएकाले फलामे खोर पासो पुनः थापेको उनले बताए ।