जापानी पर्यटक होटलमा मृत फेला

आश गुरुङ

लमजुङ — माथिल्लो मनाङ क्षेत्रको मनाङ ङिस्याङ गाउँपालिका-४ मनाङ गाउँको एक होटलमा पर्यटक मृत अवस्थामा भेटिएका छन् ।

ZenTravel

Meroghar

डीएसपी टीकाबहादुर कार्कीका अनुसार मनाङ गाउँको हिमालयन सिङगी होटलमा जापनिज नागरिक पासपोर्ट नम्बर ००४६२६२ का ६७ वर्षीया हिसाको कोरी नाम गरेकी महिला मृत अवस्थामा भेटिएकी हुन् । घटनाको जानकारी शनिबार बिहान ८ बजेतिर आएपछि घटनास्थल खटि गएको र शवलाई पोष्टमार्टमको लागि एभरेष्ट एयरको हेलिकप्टरमार्फत शिक्षण अस्प्ताल काठमाडौं पठाइएको उनले बताए ।

मनाङ गाउँ समुद्री सतहदेखि ३ हजार ५ सय १९ मिटर उचाइमा छ ।

शुक्रबार साँझ पति पत्निसँगै सुतेको र शनिबार बिहान उठाउन खोज्दा पत्नि नउठेपछि पतिले होटल सञ्चालकलाई जानकारी गराएका थिए । होटल सञ्चालकले स्थानीय स्वास्थ्यकर्मीलाई बोलाउँदासम्म ती पर्यटकको मृत्यु भइसकेको प्रारम्भिक अनुसन्धानबाट खुल्न आएको प्रहरीले बताएको छ ।

अन्नपूर्ण संरक्षण क्षेत्र आयोजना (एक्याप), इलाका संरक्षण कार्यालय मनाङका कार्यालय प्रमुख बाबुलाल तिरुवाका अनुसार २ जना पतिपत्नि घुम्न आएको र पत्निको मृत्यु भएको बताए । मृत्युको कारण खुल्न नसकेको एक्याप र प्रहरी दुवैले बताएको छ । ती पर्यटकमा दीर्घ रोग समेत केही नरहेको र उनी बिरामी समेत नरहेको उनका पतिबाट जानकारी पाएको प्रहरीले बताएको छ ।

२ दिनयता मनाङमै रहेका पतिपत्नि दुवैजना कुनै पथ प्रदर्शक तथा भरिया बिना नै घुम्न आएको बुझिएको छ । ‘भरिया र गाइड कोही पनि साथमा नआउँदा पर्यटक स्वयंलाई समस्या पर्न सक्छ’ तिरुवाले भने, ‘जति अध्ययन गरेर आएपनि उनीहरुको साथमा नेपाली हुनु र नहुनुमा धेरै फरक पर्छ ।’

प्रकाशित : मंसिर २१, २०७६ १६:५४
ADVERTISEMENT
ADVERTISEMENT
प्रतिक्रिया
पठाउनुहोस्

भारतबाट ५ किशोरको उद्धार

श्यामसुन्दर शशि

जनकपुर — लामो समयदेखि भारत दरभंगास्थित बालगृहमा बस्दै आएका ५ किशोरलाई उद्धार गरी अभिभावकको जिम्मा लगाइएको छ । शुक्रबार राती दरभंगाबाट उद्धार गरिएका ती किशोरहरुलाई शनिबार जनकपुर अभिभावकको जिम्मा लगाइएको हो । उद्धार गरी ल्याइएका किशोरहरु ११ देखि १६ वर्षका छन् । 


उद्धार गरिएकाहरुमा बारा जिल्ला कलैया नगरपालिका–७ बरैबा टोल बस्ने ११ वर्षीय सुमित दास, बारा जिल्ला महागढीमाई नगरपालिक–१० गंजभवानीपुर बस्ने १४ वर्षीय इन्ताज हवारी, सर्लाही जिल्ला चक्रघटा गाउँपालिका–६ गोइयाही बस्ने १५ वर्षीय दीपेशकुमार यादव, सोही ठाउँ बस्ने १६ वर्षीय कृष्ण कुमार तथा महोत्तरी समसी गाउँपालिका–२ पर्सा बस्ने १६ वर्षीय शेख नेमतुल्ला रहेका छन्।

घर परिवारलाई थाहै नदिई भागेका किशोरहरुमध्ये अधिकांश दिल्ली, मुम्बई तथा पञ्जाब जाँदै गरेका बेला भारतीय सुरक्षाकर्मीले उनीहरुलाई नियन्त्रणमा लिई बालगृहमा राखेका थिए। उनीहरुमध्ये केही ९ महिनादेखि भारतको बालगृहमा बस्दै आएका थिए।

दरभंगा बालगृहले दिएको सूचना अनुसार ती किशोरहरुका अभिभावकसँग सम्पर्क गरी स्वदेश फिर्ता ल्याउन ग्रोइङ नेपाल फाउण्डेशनले पहल गरेको थियो ।

प्रकाशित : मंसिर २१, २०७६ १६:५२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
×