बौदीकालीमा नेकपा विजयी  

नारायण शर्मा

नवलपरासी — पूर्वी नवलपरासीको बौदीकाली गाउँपालिका वडा नम्बर ५ को अध्यक्षकालागि सम्पन्न निर्वाचनमा नेकपाका खिमबहादुर खरुमगर विजयी भएका छन्।

मुख्य निर्वाचन अधिकृत अर्जुन अधिकारीले दिएको जानकारी अनुसार खिमबहादुरले ३६७ मत ल्याएका छन भने उनका प्रतिद्धन्दी नेपाली कांग्रेसका तुल बहादुर राना अनिलले २३१ मतमा चित्त बुझाएका छन । त्यसैगरि समाजवादीका पितम रानाले ७ मत ल्याएका छन् । यसअघिको निर्वाचनमा पनि तत्कालिन एमाले विजयी भएको थियो ।

कूल ८५३ मतदाता रहेको बोबोक गाउँमा ६१५ मत खसेको थियो । मतदान गर्नेमा ३५८ जना महिला र २५७ पुरुष मतदाता थिए ।

प्रकाशित : मंसिर १४, २०७६ २२:२२
प्रतिक्रिया
पठाउनुहोस्
ADVERTISEMENT

१३ औँ साग : भलिबलमा ऐतिहासिक जित, कम्तीमा रजत पदक पक्का

राजु घिसिङ, कुशल तिमल्सिना

काठमाडौँ — नेपाली महिला भलिबल टिम सोझो तीन सेटमा शनिबार श्रीलंकालाई पराजित गर्दै १३ औं दक्षिण एसियाली खेलकुद (साग) को फाइनलमा प्रवेश गरेको छ । पहिलोपल्ट सागको फाइनलमा पुगेसगै नेपालले कम्तीमा रजतपदक पक्का गर्‍यो ।

राष्ट्रिय खेलकुद परिषदको त्रिपुरेश्वरस्थित कभर्डहलमा भएको सेमिफाइनलमा नेपाली टिमले उत्कृष्ट प्रदर्शन गर्दै २५–१४, २५–१८, २५–२१ को जित हात पारेको हो। नेपालले मंगलबार हुने फाइनलमा भारतको सामना गर्नेछ। डिफेन्डिङ च्याम्पियन भारतले सेमिफाइनलमा माल्दिभ्समाथि एकतर्फी जित रचेको थियो।
नेपालले सन् १९९८ मा काठमाडौंमा भएको आठौं संस्करण, कोलम्बो साग २००६ र तीन वर्षअघि गुवहाटी–सिलोङमा सम्पन्न १२ औं सागमा कांस्यपदक जितेको थियो। यसपाली फाइनल प्रवेश गरेसँगै नेपालले कम्तीमा रजतपदक पक्का गर्दै हालसम्मकै सबभन्दा ठूलो उपलब्धि निश्चित गर्‍यो।

प्रकाशित : मंसिर १४, २०७६ २२:०३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×