शिविरमा २४४ को उपचार
बागलुङ — गलकोट नगरपालिका–७ मा सञ्चालित नि:शुल्क आँखा शिविरमा २ सय ४४ जनाको उपचार गरिएको छ । स्थानीय सामाजिक संस्था घुम्टे युवा परिवार र वडा कार्यालयले शिविर सञ्चालन गरेको हो ।
गलकोट अप्टिकल आँखा उपचार केन्द्रले शिविरमा प्राविधिक सहयोग गरेको हो । तीमध्ये १८ जनाको मोतियाबिन्दु शल्यक्रियाका लागि पठाइएको छ । २ जनामा जलविन्दु भएकाले उपचारमा पठाइएको छ ।
शिविरका लागि जापानमा बसेका युवाले नगदसमेत सहयोग गरेको समाजका अध्यक्ष थमन थापाले बताए ।
प्रकाशित : कार्तिक २४, २०७६ ०९:१९प्रतिक्रिया
