प्रदेशमा लगानी गर्न बेलायतमा बस्ने नेपाली इच्छुक : मुख्यमन्त्री गुरुङ

प्रतिक्षा काफ्ले

(गण्डकी) — दश दिने बेलायत भ्रमण सकेर स्वदेश फर्किएका गण्डकी प्रदेशका मुख्यमन्त्री पृथ्वीसुब्बा गुरुङले वेलायतमा बस्ने नेपाली प्रदेशमा लगानी गर्न इच्छुक रहेको बताएका छन् । मंगलबार पोखरा विमानास्थलमा संचारकर्मीसंग कुरा गर्दै गुरुङले प्रदेशको पर्यटन र खेलकुदको क्षेत्रमा लगानी गर्न बढी उत्साहित देखिएको बताए । 

एनआरएनए बेलायत र व्यवसाय गरेर बसेका नेपालीसंगको छलफलको क्रममा प्रदेशमा लगानीका लागि इच्छा देखाएको र लगानी मैत्री वातावरण बनाउने आफूले वचन दिएको उनले बताएका थिए । त्यस्तै अन्तर्राष्ट्रिय म्याराथन तथा फुटवल जस्ता खेलकुद क्षेत्रमा साहरा युके लगायतका सस्थाले व्यवस्थित लगानीको इच्छा देखाएको पनि मुख्यमन्त्री गुरुङले बताए । मुख्यमन्त्री गुरुङले भुपु गोर्खा सैनिकसंगसमेत सामुहिक भेट गरेका थिए ।

भेटमा उनीहरुले विदेशमा भोगिरहेको विभेदको विषयमा सरकारको तर्फबाट पहल गरिदिन आग्रह गरेको उनले बताए । मुख्यमन्त्रीको वेलायत भ्रमणको क्रममा पोखरा सहर र वेलायतको म्यानचेष्टर सिटीवीच भागिनी सम्वन्ध कायम गर्ने विषयमा त्यहाँको प्रतिनिधिसंग छलफल भएको छ ।

बेलायतका नेपाली भाषी जनप्रतिनिधि नर्थ योर्कसायरका मेयर जनक शर्मा र लण्डनका डेपुटी मेयर लक्ष्यु गुरुङसंग भेटेर दुई पक्षीय हित र सहयोग सम्वन्धमा छलफल गरेको मुख्यमन्त्री गुरुङले बताए । अक्सफोर्ड विश्वविद्यालयका प्राध्यपकहरुको समुहसंग गुरुङले भेटेका थिए ।

भेटको क्रममा विश्वविद्यालयमा अध्ययनरत नेपाली विद्यार्थीको अवस्था र विभिन्न अध्ययन अनुसन्धान नेपाललाई सघाउने प्राध्यापकहरुले बताएको मुख्यमन्त्री गुरुङले जानकरी गराए । समग्रमा आफ्नो बेलायत भ्रमण सफल भएको र यसले प्रदेशमा लगानी बढाउन महत्वपूर्ण टेवा पुग्ने मुख्यमन्त्री गुरुङको दाबी थियो ।

बेलायतमा आयोजना हुने नेपाली मेलामा भाग लिनका लागि मुख्यमन्त्री गुरुङ भदौ ६ मा प्रस्थान गरेका थिए ।

प्रकाशित : भाद्र १७, २०७६ १३:१८
प्रतिक्रिया
पठाउनुहोस्

मन्थलीमा बहुद्देश्यीय कबर्डहल निर्माण गरिने

टीकाप्रसाद भट्ट

रामेछाप — रामेछापको मन्थली नगरपालिकाको भुत्याहा खोला किनारमा बहुद्देश्यीय कबर्डहल निर्माण थालिएको छ । खेलकुदका साथै अन्य कार्यक्रम समेत गर्न मिल्ने गरी उक्त कबर्डहल निर्माण थालिएको हो । 

प्रदेश सरकारको लगानीमा निर्माण हुन लागेको उक्त कबर्डहलको प्रदेश ३ का आर्थिक मामिला तथा योजनामन्त्री कैलाशप्रसाद ढुङ्गेलले मंगलबार सिलन्यास गरेका छन् । उनले कबर्डहल तोकिएको समयमा निर्माण पुरा गर्नका लागि सम्बन्धित पक्षलाई निर्देशन गरे । विकास निर्माणका लागि अहिलेको युग स्वर्णीम भएको बताउँदै ढुंगेलले गुणस्तरिय निर्माण कार्य गर्नुपर्नेमा जोड दिए ।

‘विकास भएर मात्र पुग्दैन सूशासन पनि चाहिन्छ,’ ढुंगेलले भने, ‘त्यसका लागि योजना सम्बन्धि सम्पूर्ण विवरणसहितको बोर्ड राख्नुपर्छ ।’ सडक, स्वास्थ्य, कृषि, पशुपालन, खेलकुद, पर्यटन लगाएतको क्षेत्रमा प्रदेश सरकारले दर्जनौ योजना संचालनमा ल्याएको ढुंगेलको दाबि थियो ।

सार्वजनिक निर्माण कार्यान्वयन इकाई धुलिखेल काभ्रेका आयोजना प्रमुख पूर्णबहादुर दर्जीका अनुसार करिब १३ करोड १३ लाख ९० हजारको लागतमा निर्माण हुने उक्त कबर्डहलमा बास्केटबल, भलिबल, ब्याडमिन्टर, टेबुलटेनिस जस्ता खेल संचालन गर्नसक्ने क्षमता रहेको छ ।

अत्याधुनिक कबर्डलमा करिव १ हजार २ सय दर्शक अटाउन सक्ने हल हुनेछ । रिमोटले कुर्सि सार्ने प्रवृद्धिको उक्त हलमा वैवाहिक, धार्मिक, सांस्कृतिक र राजनीतिक सभाका लागि स्थान हुनेछ । जिल्लामा हालसम्म कबर्डहल छैन ।

जिल्ला समन्वय समितिका प्रमुख प्रेमबहादुर खड्काको अध्यक्षतामा भएको उक्त कार्यक्रममा मन्थली नगरपालिकाका प्रमुख रमेशकुमार वस्नेतले नगरका बहुआयमिक विकास गर्ने उद्देश्यले गौरवका योजना निर्माण थालिएको बताए ।
प्रदेश सरकारले यसै वर्षदेखि रंगशालाको निर्माणको समेत योजना अघि सारको छ । प्यारापिटसहितको रंगशाला मन्थलीको सानिमदौमा निर्माण हुने दर्जीले बताए । यस अघि फुलबल , भलिबल लगाएतका क्रियाकलाप संचालन गर्न स्थानको अभाव झेल्दै आएका खेलाडिहरु एकैपटक दुई ठुला योजना कार्यान्वयनमा आएकोमा हर्षित छन् ।

प्रकाशित : भाद्र १७, २०७६ १३:११
पूरा पढ्नुहोस्
प्रतिक्रिया
पठाउनुहोस्