गण्डकी प्रदेशसभा बैठक अर्को सूचना नआउँदासम्मलाई स्थगित भएको छ । शुक्रबार केहीबेर बसेको बैठक कांग्रेस र राप्रपाले बहिष्कार गरेपछि अनिश्चितकालसम्मका लागि बैठक स्थगित गरिएको हो । बैठकमा सभामुख कृष्ण धितालले प्रदेश प्रमुखकाे बैठक आह्वानसम्बन्धी पत्र पढेर सुनाएका थिए ।
छात्रवृत्ति करारका डाक्टर तथा स्वास्थ्यकर्मीले मासिक रूपमा प्राप्त गर्ने पारिश्रमिक नपाएको बताएका छन् । चालु आर्थिक वर्ष (साउनदेखि) सुरु भएदेखि नै तलब नपाएपछि गण्डकी प्रदेशको सामाजिक विकास तथा स्वास्थ्य मन्त्रालयमा निवेदन दिँदै उनीहरूले पारिश्रमिक माग गरेका छन् ।
अरिंगालले चिल्दा स्याङ्जाको विरुवा गाउँपालिका–१ का २८ वर्षीय चेलिस श्रेष्ठको मृत्यु भएको छ । मंगलबार साँझ घरनजिकै रहेको जंगलमा अरिंगाल पोल्ने क्रममा श्रेष्ठलाई अरिंगालले चिलेको थियो ।
उपप्रधान एवं गृहमन्त्री नारायणकाजी श्रेष्ठले नक्कली भुटानी शरणार्थीको अनुसन्धान बाँकी रहेको बताएका छन् । नेकपा माओवादी केन्द्रको प्रदेशस्तरीय बैठकलाई सम्बोधन गर्न शनिबार पोखरा आएका गृहमन्त्री श्रेष्ठले अनुसन्धान जारी रहेको बताउँदै थप कोही दोषी देखिए ती व्यक्तिमाथि पनि अनुसन्धान हुने बताएका हुन् ।
नेपाली कांग्रेस संसदीय दलका नेता सुरेन्द्रराज पाण्डे गण्डकी प्रदेशको मुख्यमन्त्री पदमा नियुक्त भएका छन् । प्रदेश प्रमुख पृथ्वीमान गुरुङले पाण्डेलाई बिहीबार संविधानको धारा १६८ को उपधारा २ अनुसार मुख्यमन्त्रीमा नियुक्त गरेका हुन् ।
राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले राजनीति कमाई खाने उद्योग भएको बताएका छन् । पोखरामा मंगलबार पत्रकारसँग कुरा गर्दै अध्यक्ष लिङ्देनले राष्ट्रिय स्वतन्त्र पार्टीका सांसदले मन्त्री बन्नका लागि दुई करोडको बार्गेनिङ गरेको अडियो सार्वजनिक भएको प्रसंगमा उक्त धारणा राखेका हुन् ।
नेकपा माओवादी केन्द्रले गण्डकी प्रदेश सरकारलाई दिएको समर्थन फिर्ता लिएको छ । शुक्रबार बसेको माओवादी संसदीय दलको बैठकले एमाले नेतृत्वको प्रदेश सरकारलाई दिएको समर्थन फिर्ता लिने निर्णय गरेको हो ।
कालीगण्डकी नदीको रामपुर र चापाकोट जोड्ने निर्माणाधीन पक्की पुलको बिम भत्किँदा ८ जना कामदार घाइते भएका छन् । रामपुर नगरपालिका–६, प्याकलुक र स्याङजाको चापाकोट नगरपालिका–८, दामाचौर जोड्ने पुलको काम गर्ने क्रममा बिम खस्दा घाइते ८ जनामध्ये दुई जनाको अवस्था गम्भीर छ ।
