कास्की — अरिंगालले चिल्दा स्याङ्जाको विरुवा गाउँपालिका–१ का २८ वर्षीय चेलिस श्रेष्ठको मृत्यु भएको छ । मंगलबार साँझ घरनजिकै रहेको जंगलमा अरिंगाल पोल्ने क्रममा श्रेष्ठलाई अरिंगालले चिलेको थियो ।
श्रेष्ठलाई उपचारका लागि गण्डकी मेडिकल कलेज पोखरा लगिएको थियो । उपचारका क्रममा उनको बुधबार बिहान मृत्यु भएको जिल्ला प्रहरी कार्यालय स्याङ्जाले जनाएको छ । प्रहरीका अनुसार अरिंगाल पोल्न ६ जनाको टोली गएको थियो ।