गण्डकी सरकारले पायो पूर्णता
मंगलबार थपिएका तीन मन्त्रीले शपथग्रहण गरेसँगै गण्डकीको मन्त्रिपरिषद् ७ सदस्यीय बनेको छ
पोखरा — गण्डकी प्रदेश सरकारले पूर्णता पाएको छ । मंगलबार थप तीन जनालाई मन्त्रीमा नियुक्त गरेसँगै गण्डकी सरकारले पूर्णता पाएको हो ।
मंगलबार मन्त्रीमा नियुक्त भएका तीन जनामध्ये नेकपा एमालेका रोशनबहादुर गाहा थापा र बेदबहादुर गुरुङ हुन् । त्यस्तै माओवादी केन्द्रबाट रेशम बहादुर जुग्जाली मन्त्रीमा नियुक्त भएका हुन् ।
तीनै जनाले मंगलबार नै प्रदेश प्रमुख पृथ्वीमान गुरुङबाट पद तथा गोपनीयताको शपथग्रहण गरेका हुन् । यससँगै गण्डकीमा मन्त्रिपरिषद्को संख्या ७ सदस्यीय पुगेको छ ।
प्रकाशित : माघ १०, २०७९ १८:४६