बूढीगण्डकीमा मजदुर बेपत्ता

कान्तिपुर संवाददाता

आरुघाट (गोरखा) — लार्के सडक निर्माणमा खटिएका एक मजदुर बूढीगण्डकीमा बेपत्ता भएका छन् । धार्चे गाउँपालिका–३ यारुवगरमा ट्युवको प्रयोगबाट बूढीगण्डकी तर्ने क्रममा पश्चिम रुकुम आठविसे–५ घर भएका २३ वर्षीय नेत्रबहादुर सार्की बेपत्ता भएको एसपी ओम अधिकारीले बताए ।

शुक्रबार दिउँसो बेपत्ता भएका सार्कीको खोजी भइरहेको प्रहरीले जनाएको छ ।

प्रकाशित : भाद्र ६, २०७६ १८:१७
प्रतिक्रिया
पठाउनुहोस्

घूस लिँदालिँदै सहायक वन अधिकृत पक्राउ

कमल पन्थी

(बर्दिया) — अख्तियार दुरुपयोग अनुसन्धान आयोग, नेपालगन्जले सहायक वन अधिकृतलाई घूस लिएको आरोपमा पक्राउ गरेको छ । बासगढीस्थित वन कार्यालयमा कार्यरत सवअ अनिलकुमार गुप्तालाई सेवाग्राहीबाट १० हजार रुपैयाँ घूस लिँदालिँदै पक्राउ गरेको छ ।

अख्तियारका नेपालगन्ज प्रमुख गणेश गैरेले शुक्रबार स्थानीय सःमिलबाट घूस लिँदालिँदै पक्राउ गरेको जनाएका छन् । उनलाई आवश्यक कारबाहीका लागि पक्राउ गरी नेपालगन्ज लगिएको अख्तियारले जनाएको छ ।

प्रकाशित : भाद्र ६, २०७६ १७:५४
पूरा पढ्नुहोस्
प्रतिक्रिया
पठाउनुहोस्