भारतीय ट्रक पल्टिँदा चालकको मृत्यु , एक सख्त घाइते

नारायण शर्मा

(नवलपरासी) — पूर्व-पश्चिम महेन्द्र राजमार्गअन्तरगत दुम्किबासको ज्यामिरेमा एक भारतीय ट्रक विद्युत् पोलमा ठक्कर खाएर पल्टिँदा एक जनाको मृत्यु भएको छ भने अर्का एकजना सख्त घाइते भएका छन्  । 

बुधबार बिहान ३ बजे बर्दघाटवाट नारायणगढतर्फ जाँदै गरेको भारतीय आरजे ०५ ४१६७ नम्बरको ट्रक पोलमा ठोक्किँदा चालक सुल्तान सिंहको उपचारको क्रममा चितवनको पुरानो मेडिकल कलेजमा मृत्यु भएको हो । खलासी जयचन्द्र सिंहको पुरानो मेडिकल कलेजमा उपचार भइरहेको जिल्ला प्रहरी कार्यालय पूर्वी नवलपरासीले जनाएको छ । उनको अवस्था जटिल रहेको प्रहरीले जानकारी दिएको छ । उनीहरु दुवै भारतीय नागरिक हुन् ।

चालक निदाएर दुर्घटना भएको प्रहरी अनुमान छ ।

प्रकाशित : भाद्र ४, २०७६ ०७:४१
प्रतिक्रिया
पठाउनुहोस्

अरुणखोलामा दुईतर्फी यातायात सञ्चालन

नारायण शर्मा

(नवलपरासी) — पूर्व-पश्चिम महेन्द्र राजमार्गअन्तर्गत नवलपरासीको अरुणखोलामा दोहोरो यातायात सञ्चालन भएको छ । सडकदेखि दक्षिणमा बनाइएको डाइभर्सन सडकमा दुई दिनको मर्मतपछि मंगलबार दिउँसो ४ बजेबाट दोहोरो यातायात सञ्चालनमा आएको हो ।

खोला बढेर बगाएको डाइभर्सनमा सोमबार दिउँसोदेखि २ वटा डोजरले काम गरेको थियो ।

यातायात सञ्चालनपछि ४ दिनदेखि जाममा परेका मालबहाक ट्रक र साना गाडी गन्तब्यतर्फ लागेको स्थानीय चेतन पौडेलले जानकारी दिए ।

एक साताअघि अरुणखोला पुलको फलामे बारमा ट्रक ठोक्किँदा पुल भाँचिएको थियो ।

यो पनि



प्रकाशित : भाद्र ३, २०७६ १६:३१
पूरा पढ्नुहोस्
प्रतिक्रिया
पठाउनुहोस्