बन्दीपुरमा युवकको शव फेला

प्रताप रानामगर

दमौली — तनहुँको बन्दीपुरमा एक व्यक्तिको घाँटी रेटेर हत्या गरेको आंशक गरिएको छ । बन्दीपुर-१ डुम्रेबजार निवासी ५३ वर्षीय श्यामकुमार शाही घाँटीमा धारिलो हतियारको चोट सहित मृत अवस्था फेला परेकाले कसैले हत्या गर्न सक्ने आंशक गरिएको प्रहरी उपरीक्षक विनोद सिलवालले बताए ।

‘घटनाबारेमा अनुसन्धान भइरहेको छ,’ उनले भने, ‘मृतकको घाँटीमा धारिलो हतियार प्रयोगबाट चोट लागेको देखिएको छ। उनको हत्या भएको हुन सक्छ हामीले अनुसन्धान गरिरहेका छौं।' आइतबार रातिदेखि उनी बेपत्ता भएपछि सोमबार उनको परिवारले इलका प्रहरी कार्यालय डुम्रेमा खोजी गरिदिन निवेदन दिएका थिए। प्रहरीले खोजी गर्दा बन्दीपुर ४ ठूलाढुङ्गास्थित काँसको झाँडीमा मृत अवस्थामा भेटिएको प्रहरीले बताएको छ।

घटनाको अनुसन्धान गर्न पोखराबाट तालिम प्राप्त कुकुरको प्रयोग समेत गरेको उनले बताए। कसले हत्या गर्‍यो पहिचना खुलेको छैन। हत्या संलग्न जोसुकै भए पनि चाँडै कानुनको दायरायमा आउने प्रहरी उपरीक्षक सिलवालले बताए। मृतकको जिल्ला अस्पतालमा पोष्टमार्टम भइरहेको छ।

प्रकाशित : श्रावण २८, २०७६ १२:३२
प्रतिक्रिया
पठाउनुहोस्

सन्दीपको भिसा आवेदन अमेरिकी दूतावासबाट अस्वीकृत

कान्तिपुर संवाददाता

काठमाडौँ — नेपाली राष्ट्रिय क्रिकेट टोलीका सदस्य सन्दीप लामिछानेलाई नेपालस्थित अमेरिकी दूतावासले भिसा दिन अस्वीकार गरेको छ । सन्दीपले मंगलबार बिहान आफू अमेरिकी राजदूतावासमा भिसाको लागि अन्तरवार्ता दिन गएको र भिसा काउन्सुलर रुखो रुपमा प्रस्तुत हुँदै भिसाको आवदेन अस्वीकृत गरेको ट्वीट गरेका थिए ।

सन्दीपको व्यवस्थापन हेर्दै आएका नेपाली राष्ट्रिय टोलीका टेक्निकल एनलिष्ट रमन शिवाकोटीका अनुसार उनले अमेरिकाको 'बी १', 'बी २' भिसाका लागि आवेदन दिएका थिए। उनले क्यारेबिएन लिगमा भाग लिनका लागि अमेरिका हुँदै क्यारेबियन मुलुक जानका लागि भिसा आवेदन दिएका हुन्। यसपटकको क्यारेबियन लिगको दोस्रो चरणका खेलहरु अमेरिकामा पनि हुने सम्भावना रहेकोले गर्दा पनि उनले अमेरिकाको भिसा लिएरै त्यस तर्फ चाहेका थिए ।

म्यानेजर शिवाकोटीका अनुसार अमेरिकी दूतावासले सन्दीपलाई दिउँसो १:३० मा पुन: बोलाएको छ।अमेरिकामा खेलाडीका रुपमा जानका लागि बी १, बी २ वा पी १ भिसाका लागि आवेदन दिनुपर्ने हुन्छ।

बी १, बी २ भनेको सामान्य पर्यटक भिसा हो र त्यो भिसामा गएर पनि अमेरिकामा कुनै पनि खेलमा प्रतिस्पर्धा गर्न पाइन्छ भने पी १ विशेष गरेर खेलाडीहरुका लागि उपलब्ध गराइने भिसा हो। पी १ भिसामा गएका खेलाडीका लागि भने बी १ वा बी २ मा गएका खेलाडीभन्दा थप केही सुविधा उपलब्ध हुन्छ।

प्रकाशित : श्रावण २८, २०७६ १२:३१
पूरा पढ्नुहोस्
प्रतिक्रिया
पठाउनुहोस्