तनहुँमा पर्यटक बस दुर्घटना, चिनियाँ सहित ९ यात्रु घाइते

प्रताप रानामगर

दमौली — पृथ्वीराजमार्गमा पर्ने तनहुँको व्यास १२ कमलबारीमा बुधबार पर्यटक बस र ट्रक एक आपसमा ठोकिदा चिनियाँ पर्यटक सहित ९ जना यात्रु घाइते भएका छन् । 

घाइते मध्ये ६ जना चिनियाँ पर्यटक रहेको प्रहरी नायब उपरीक्षक लिलाराज लामिछानेले बताए । ती मध्ये एक चिनियाँ पर्यटकको अवस्था गम्भीर छ । गम्भीर घाइते चिनियाँ पर्यटकको पोखराको मणिपाल शिक्षण अस्पतालमा उपचारका लागि पठाइएको उनले बताए ।

बाँकी ४ जना चिनियाँ पर्यटकको दमौलीको रत्नहरि अस्पतालमा उपचार भइरहेको छ । उक्त दुर्घटनामा पर्यटक गाइड, पर्यटक बस चालक र ट्रक चालक पनि घाइते छन् ।

काठमाडौंबाट पोखरा आउँदै गरेको बा १ प ९१३ नम्बरको पर्यटक बस र विपरीत दिशातर्फ जाँदै गरेको ना ६ ख ५८६५ नम्बरको मालबाहक ट्रक एक आपसमा ठोकिएको थियो ।

प्रकाशित : श्रावण २२, २०७६ १७:४२
प्रतिक्रिया
पठाउनुहोस्

सुनको भाउमा दिनहुँ नयाँ रेकर्ड, प्रतितोला ७० हजार नजिक

राजु चौधरी

काठमाडौँ — नेपाली बजारमा सुनको भाउ प्रतितोला ७० हजार नजिक पुगेको छ । सुनचाँदी व्यवसायी महासंघका अनुसार अन्तर्राष्ट्रिय बजारमा प्रतिऔस २७ अमेरिकी डलर बढेर यहाँ भाउ ७० हजार रुपैयाँ नजिक पुगेको हो ।

‘मंगलबार प्रतितोला ६८ हजार रुपैयाँ थियो। बुधबार एकदिनै १५ सय रुपैयाँ बढेर ६९ हजार ५ सय रुपैयाँ पुगेको छ,’ महासंघका पूर्वअध्यक्ष तेजरत्न शाक्यले भने, ‘यो मूल्य अर्को रेकर्ड हो।’ शाक्यका अनुसार मंगलबार अन्तर्राष्ट्रिय बजारमा प्रतिऔस १४ सय ५९ अमेरिकी डलरमा कारोबार भएको थियो। बुधबार बढेर प्रतिऔस १४ सय ८६ अमेरिकी डलर पुगेको छ।

व्यवसायीका अनुसार न्युर्योक बजारले २०१९ को अन्तसम्म प्रतिऔस १५ सय डलर पुग्ने प्रक्षेपण गरेको थियो। यही क्रममा बृद्धि भए एक/दुई दिनमै उक्त मूल्य भेट्ने उनीहरुको भनाइ छ। ‘मूल्यमा दैनिक नयाँ रेकर्ड कायम भएपछि सुन बिक्री छैन, व्यवसायीले किन्न पनि सकेका छैनौं,’ शाक्यले भने, ‘पूँजीले भ्याउने अवस्था पनि भएन। अब व्यवसायी बन्द गर्ने अवस्थामा पुगेका छौं। पूँजी सकिएपछि खरिद गर्न सकिँदैन।’

यो पनि

प्रकाशित : श्रावण २२, २०७६ १७:१८
पूरा पढ्नुहोस्
प्रतिक्रिया
पठाउनुहोस्