जीप दुर्घटनामा दुईको मृत्यु
पोखरा — महाशिला गाउँपालिका–५ लुंखुदेउरालीमा आइतबार जिप दुर्घटना हुँदा २ यात्रुको मृत्यु भएको छ । सदरमुकाम कुश्माबाट बालाकोटतर्फ जाँदै गरेको ग२च ७१२८ नम्बरको जिप देउराली भीरमा सडकदेखि एक सय मिटर तल खस्दा महाशिला–३ का ५० वर्षीय कृष्णगोपाल गुरुङ र सनाखत हुन नसकेकी एक महिलाको घटनास्थलमै मृत्यु भएको हो ।
महिला सल्यानबाट मजदुरीका लागि त्यहाँ गएकी थिइन् । दुर्घटनामा चालकसहित ४ घाइते छन् ।
उनीहरूमध्ये दुईलाई पोखरा रिफर गरिएको र दुई जनाको लुंखु प्राथमिक स्वास्थ्य केन्द्रमा उपचार भइरहेको प्रहरी निरीक्षक राजन रायमाझीले बताए । जिपमा ७ जना सवार थिए ।
प्रतिक्रिया
