चन्द समूहका केन्द्रीय सचिवालय सदस्यसहित १८ पक्राउ

लालप्रसाद शर्मा

पोखरा — सरकारद्वारा प्रतिबन्धित नेत्रविक्रम चन्द समूहका केन्द्रीय सचिवालय सदस्य मिलन राइलगायत १८ नेता कार्यकर्तालाई प्रहरीले पक्राउ गरेको छ । पक्राउ पर्नेमा कास्की जिल्ला सेक्रेटरी जंगबहादुर भण्डारी पनि छन् । 

कास्की प्रहरी प्रमुख एसपी दानबहादुर कार्कीका अनुसार अन्नपूर्ण गाउँपालिका– ११ बाट उनीहरुलाई शनिबार राति पक्राउ गरिएको हो । ‘घान्द्रुक क्षेत्रमा विप्लव माओवादीका कार्यकर्ताको गतिविधि बढेको जानकारी आयो,’ कार्कीले भने, ‘सोही आधारमा लामो दुरीको गस्ती गरेर उनीहरुलाई पक्राउ गरिएको हो ।’

पक्राउ परेकालाई राति नै कास्की प्रहरी कार्यालयमा ल्याइएको छ । पक्राउ परेकाहरु एक सामुदायिक भवनमा बसेर छलफल गरिरहेका थिए ।

प्रकाशित : जेष्ठ २६, २०७६ ०९:२३
ADVERTISEMENT
प्रतिक्रिया
पठाउनुहोस्
ADVERTISEMENT

कांग्रेसको अवरोधपछि प्रदेशसभा बैठक स्थगित 

लालप्रसाद शर्मा

पोखरा — गण्डकी प्रदेशसभाको आइतबारको बैठक कांग्रेस सांसदको अवरोधका कारण कार्यसूचीमा प्रवेशै नगरी स्थगित भएको छ । आफ्ना माग सम्बोधन नभएको भन्दै बैठक सुरु हुनसाथ प्रमुख प्रतिपक्षी कांग्रेसका सांसद उभिएपछि सभामुख नेत्रनाथ अधिकारीले बैठक सोमबारसम्मका लागि स्थगित गरे । 

कार्यविधि बनाउँदा सरकारले सांसदलाई सहभागी नबनाएको, बजेट वितरण लगायत मन्त्रालयले आफूहरूलाई सम्बोधन नगरेको, कार्यविधि परिवर्तन गरी आस्थाका आधारमा बजेट वितरण गरिएको, कर्मचारीलाई राजनीतिक आस्थाका आधारमा सरुवा गरिएको जस्ता विषय कांग्रेसले उठाउँदै आएको थियो ।

यसै गरी कालीगण्डकी डाइभर्सनलाई रोक्नुपर्ने, विधेयक ल्याएर प्रदेशसभालाई बिजनेस दिनुपर्ने र आगामी बजेटमा सबै सांसदलाई समेट्नुपर्ने लगायत माग कांग्रेसको थियो ।
शुक्रबारको प्रदेशसभा बैठकमा प्रमुख प्रतिपक्षी दलका नेता कृष्णचन्द्र नेपालीले यस्तै विषयवस्तु उठाएर सरकारको ध्यानाकर्षण गराएका थिए । तर सरकारले कुनै जवाफ नदिएकाले आफ्नो दलले प्रदेशसभा बैठकमा अवरोध गरेको नेपालीले बताए । ‘कतिपय अनियमित भएका विषयमा छानबिन गर्नुपर्ने हाम्रो माग हो’ उनले भने, ‘मागलाई सम्बोधन नगर्नु सरकारको कमजोरी हो ।’

प्रदेश सरकारले शुक्रबार प्रस्तुत गरेको विनियोजन विधेयकमाथि छलफल गर्ने आइतबारको कार्यसूचीमा थियो ।

प्रकाशित : जेष्ठ १९, २०७६ १५:५२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×