रसुवामा निर्वाचन अवधिभर मदिरा बिक्री वितरणमा रोक
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
रसुवा — निर्वाचन अवधिभर रसुवा जिल्लामा मदिरा बिक्री वितरण गर्न रोक लगाइएको छ । निर्वाचनलाई स्वच्छ, स्वतन्त्र, निष्पक्ष भयरहित र शान्तिपूर्ण वातावरणमा सम्पन्न गर्न भन्दै सोमबारदेखि लागू हुने गरी मदिरा बिक्री वितरणमा रोक लगाइएको हो ।
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
मदिरा सेवनका कारण मतदाता, मतदानसम्बन्धी गतिविधि र निर्वाचन प्रचारप्रसारमा असर गर्ने भएकाले निर्वाचन अवधिभर मदिरा बिक्री वितरणमा रोक लगाइएको प्रमुख जिल्ला अधिकारी नवराज जैसीले बताए ।
निर्वाचन आचारसंहिता कडाईका साथ पालना गराउन मदिरा बिक्री वितरण र सेवन कार्य नगर्न/नगराउन भन्दै जिल्ला प्रशासन कार्यालय रसुवाले सूचना जारी गरेको छ । नियमविपरीत मदिरा बिक्री वितरण गरेमा तथा सेवन कार्य गरेको पाइएमा प्रचलित कानुनबमोजिम कारबाही हुने प्रमुख जिल्ला अधिकारी नवराज जैसीले चेतावनी दिएका छन् ।
प्रकाशित : कार्तिक २२, २०७९ २१:४२